Ribadeo, 29 de outubro de 2018. Acisa organiza unha nova edición das xornadas gastronómicas Asturias en Ribadeo, que se celebrarán os días 2, 3 e 4 de novembro. Os vinte locais participantes nesta cita ofrecerán tapas, racións e menús especiais. Ademais haberá degustación de sidra, actuacións musicais e pasarrúas durante a fin de semana.
Desde a directiva de Acisa explican que “é unha actividade que pretende apoiar á hostalería asociada durante a ponte festiva de novembro ofrecéndolles a turistas e residentes na vila unha interesante e variada proposta gastronómica para disfrutar durante eses días”. E subliñan que “estas xornadas están tamén enfocadas a darlle as grazas ao turismo asturiano do que Ribadeo vive durante todo o ano, ao igual que a fiel clientela local e comarcal”.
Nas xornadas gastronómicas Asturias en Ribadeo participan os seguintes establecementos: O Tumbín, O Lar de Manolo, O Indiano, A Dorada, Galipizza, Prohibido, La Lira, Porta Norte, Cayo Coco, La Brisa, Rosalar, Náutico, Maloserá, Bar Galicia, El Rincón del Gordo, La Solana, La Cantina, Queimada e Cienfuegos. Estes locais servirán tapas, racións e menús especiais con preparacións e produtos da cociña asturiana.
A directiva de Acisa anima “a asturianos e galegos a achegarse esta ponte festiva a Ribadeo a saborear todas as propostas que van atopar nos locais que se dan cita nestas xornadas gastronómicas. Queremos aproveitar a ocasión para agradecerlle ao sector hostaleiro asociado a súa participación. Esta é unha actividade que tradicionalmente funcionou ben e agardamos que nesta ocasión asistamos a unha das mellores edicións desta actividade”.
No parque de San Francisco haberá degustación de sidra, a cargo de Sidrería Solleiro. Desde a Asociación de Comerciantes, Industriais, Servizos e Autónomos indican que “a idea é crear un maior ambiente festivo en Ribadeo eses días. Fixemos unha consulta entre os participantes e consideraron unha boa idea contar con esta degustación”.
Xunto ás propostas gastronómicas haberá música e o venres, 2 de novembro, ás 21:00 horas na praza José María López (zona vella). Alí actuarán Ilustres Patilludos. O sábado 3 ao mediodía haberá pasarrúas a cargo de Os Paporrubios; e tamén o sábado ás 21:00 horas na Praza de Abastos terá lugar a actuación de L-R. Finalmente o domingo, día 4, ao mediodía, a xornada estará amenizada con pasarrúas a cargo do grupo Los Gascones.
Esta campaña enmárcase nas actividades de dinamización que organiza Acisa en colaboración co Concello de Ribadeo.
Na presentación das xornadas participaron o xerente da Asociación de Comerciantes, Jesús Pérez, e os directivos Roberto Rivas e Carmen Cruzado.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
