Ribadeo, 22 de outubro de 2018. Acisa Ribadeo organiza unha xornada sobre prevención de riscos laborais no pequeno comercio que se celebrará o vindeiro luns, 29 de outubro.
Esta actividade, organizada en colaboración coa Federación Galega de Comercio, leva por título Principais Riscos Laborais no Sector do Pequeno Comercio, e terá lugar no salón de actos do antigo edificio sindical, sito na avenida de Galicia 20-baixo, a partir das 17:00 horas.
A xornada é gratuíta. Para participar nela é necesario inscribirse chamando ao número de teléfono 982 120 565 ou enviando un correo electrónico a info@acisaribadeo.es no que se indicará nome e apelidos, entidade e cargo, teléfono de contacto e se é autónomo/a ou traballador/ra por conta allea.
A actividade enmárcase no proxecto Xornadas de Sensibilización en Prevención de Riscos Laborais no Pequeno Comercio que conta co financiamento da Xunta de Galicia. Con esta campaña preténdese sensibilizar en materia preventiva a empresarios e traballadores do pequeno comercio, previr riscos, adoptar pautas de acción seguras e saudables e diminuír a siniestralidade laboral, entre outros obxectivos.
Acisa Ribadeo organiza unha xornada sobre prevención de riscos laborais no pequeno comercio. Terá lugar o 29 de outubro e a inscrición é gratuíta
Relacionado
-
“Por Nuestro Faro” apela á Valedora do Pobo de Galicia e á Comisión de Transparencia
-
Empresas da Mariña destacan o impacto do Plan de Emprego de Cruz Vermella nun encontro celebrado en Burela
-
Os socialistas de Viveiro denuncian “a manipulación do PP” e lembran que “a Xunta tardou tres anos en redactar o proxecto de A Xunqueira”
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
