GMPB
A súa reacción ante os datos de recadación en multas de tráfico no que vai de 2018, 64.530’03 euros, é a agardada. Culpa ao PP da polémica, non se sinte responsable de nada, e mesmo solta improperios moi dados en vostede cando o que lle din é verdade.
Sr. Alcalde, os datos da recadación son oficiais. Podemos demostralo. E, por riba, déunolos vostede mesmo, non os inventamos; aínda que, polo súa reacción, semella que vostede non os coñecía, cousa que non nos sorprende. E se os datos son polémicos, non é por culpa nosa. Ademais, vostede é quen decide onde se invisten os cartos, non o PP; polo que non sería sorprendente que vostede usase ese diñeiro en obras preelectorais.
Sr. Alcalde, o PP non fomenta a polémica de taberna. O certo é que a polémica xa estaba nos bares, nos comercios e na rúa, porque a percepción que tiña a xente coincide co que se deduce dos datos que vostede nos facilitou. En todo caso, parece mentira que vostede non percibira a polémica; vostede, que di que anda tanto pola rúa, non se entera de moitas cousas, polo que se deduce que só escoita a aqueles que lle endulzan a orella. E o mesmo lle pasa, entre outras temas, co desastre da recollida de lixo que estamos a ter.
Sr. Alcalde, lembremos os datos. Recadación de 13.765’22 euros en 2016. En 2017, recadación de 18.862’31 euros. Para o presente ano, a recadación a 25 de setembro está en 64.530’03 euros.
Sr. Alcalde, a culpa deses datos de recadación é exclusivamente súa. Repase os datos e repase certas datas. Todo vén desde que vostede puxo en marcha dúas ou tres medidas puntuais en materia de tráfico, que non resolven nada, e que claramente entorpecen a actividade cidadá coma o acontecido con Arcadio Pardiñas ou na Avenida da Mariña. Antes non se daba esta recadación tan alta por multas. Vostede prometeu un plan para racionalizar o tráfico, pero non cumpriu; e, por riba, deseñou uns miniplans para incrementar o número de multas.
Sr. Alcalde, o único que fala da Policía Municipal é vostede. Vergoña lle debería dar porque nós non discutimos sobre as competencias e profesionalidade da Policía Municipal. E vergoña lle debería dar escudarse neles, cando vostede é o máximo responsable legal da Policía Municipal, ou sexa, o xefe, e por riba non delegou as competencias en ningún concelleiro. Iso si, vostede usa os informes da Policía Municipal para o que lle convén. Para exemplo o lío de Arcadio Pardiñas: lembre o célebre pleno de 30 de maio do ano pasado sobre o repintado de Arcadio Pardiñas. Como vostede quería facer algo chamativo, aplicou parte do informe elaborado pola Policía Municipal e esqueceuse do resto do informe.
Sr. Alcalde, antes de que vostede diga unha verdade nacerá un corvo branco. E non faga da falsidade unha norma de conducta.
GRUPO MUNICIPAL DO PARTIDO POPULAR DE BURELA
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
