O tempo está a mudar. Un dos efectos perniciosos do cambio climático ten que ver coa proliferación de fenómenos atmosféricos extremos que rematan callando en catástrofes naturais.
Porén, aínda existindo o negacionismo como posición residual, resulta dificilmente comprensible desde outro prisma que a mesma semana que nos deixa o furacán “Leslie” estea facendo acto de presencia o seu homólogo “Michael”.
Algo semellante acontece co actual sistema económico, azoutan tempestades, mais semella complexo entender porque a climatoloxía anda tan revolta.
Onte chovía na Coruña, chegaba a noite ao campamento de traballadores de Alcoa instalados no polígono da Grela; polo día, superado o episodio de perplexidade, pasouse á acción restrinxindo a saída de camións.
O comité de empresa fora convocado o pasado martes 16 para unha xunta urxente, e na mañá do mércores anunciábase o peche dos centros de Coruña e Avilés. 686 traballadores no cómputo total, 369 do centro coruñés que coñecían a perda do seu medio de vida.
Dicía un tipo que a cousa andaba fodida, que xa cando, anos atrás, se acometeu o ERE sobre a metade da plantilla a cousa cheiraba mal, que hai catro anos, cando se especulaba co peche derivado dos malos resultados na poxa eléctrica, xa fedía… e concluía dicindo que ninguén estaba preparado para asumir o final.
É de supor que o espírito de supervivencia sempre leva consigo certa dose de infantilismo.
Un 6 de outubro de 1980, cando se inaugurou a planta de Alúmina Aluminio en San Cibrao, en tan sinalada data, os reis de España desprazábanse até a comarca da Mariña.
Un 17 de outubro de 2018 os operarios concentrados nas plantas de Avilés e Coruña buscaban un interlocutor co que poder falar. Por alí non andaba Roy Harvey –presidente de Alcoa-, ningún representante do goberno central ou autonómico, nin o propio Felipe VI.
“As finanzas son unha arma e a política é o arte de saber cando disparar esa arma”, ao fin e ao cabo a viabilidade de Alcoa en España é tan só unha cuestión de privilexios:
-Aqueles que reclama a terceira máis grande produtora de alumino.
-As do sector enerxético español, o terceiro máis caro de Europa.
Por iso a solución das case 700 familias que quedan sen sustento económico non pasa pola subvención do consumo eléctrico de Alcoa. senón polo pago do prezo real da enerxía.
Mentres o estado e as elites mercantiles seguen a facer negocios.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
