Santiago, 18 de outubro de 2018. O Parlamento de Galicia aprobou hoxe a proposición non de lei, impulsada polo Grupo Popular, a través da que se demanda ao Goberno central a realización de estudos que acrediten o bo estado do stock de bonito do norte, de xeito que poida negociar para que se adopten as medidas de xestión que permitan estender a duración da campaña e a rendibilidade económica da campaña desta especie.
O deputado popular Daniel Vega lembrou que 300 barcos participan cada ano entre os meses de xuño a setembro na campaña do bonito. Porén, lamentou que a campaña deste ano “rematou antes do esperado polo sector, concretamente o 23 de agosto, logo de que o Ministerio de Agricultura e Pesca dera a orde de finalizala ao esgotarse a cota de 15.015 toneladas”.
ACTUACIÓNS DA XUNTA
Diante desta situación, Vega sinalou que “a Consellería do Mar solicitou á Secretaria Xeral de Pesca do Goberno central a negociación de intercambios de cota con outros estados membros, e mesmo o adianto de parta da cota de 2019, co obxectivo de continuar pescando bonito do norte”.
Ademais, a Consellería aproveitou a celebración a semana pasada en Madrid do Consello Consultivo de política pesqueira para asuntos comunitarios “para defender o bo estado do stock do bonito do norte e solicitar un incremento de posibilidades de pesca desta especie”. “Esta solicitude atende á constatación, tanto por parte dos observadores como do propio sector pesqueiro, dunha grande abundancia de atún onde faena a flota galega, tanto no Golfo de Biscaia, como na área de Ortegal ou en augas de Irlanda”, engadiu.
REUNIÓN DA ICAAT
“O que demandamos é que a Comisión Internacional para a conservación do atún atlántico (ICCAT) aborde esta situación, se confirme o bo estado do recurso e se incrementen as posibilidades de pesca para o ano que ven”, sinalou o deputado popular.
Daniel Vega considerou “acaído” o momento da aprobación desta proposición non de lei, xa que a ICCAT reunirase do 12 ao 19 de novembro en Croacia e “é importante que o Goberno de España lle transmita a importancia do bo estado do bonito do norte e sexa capaz de que os representantes europeos fagan a forza necesaria para ampliar a cota”.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
