Burela 13-10-18. O Pescados Rubén Burela FS continúa con paso firme e sen tropezos o seu inicio de liga, cun importante triunfo na pista do Móstoles FSF (2-4). As pupilas de Julio Delgado e Lucas, que viaxaban condicionadas polas lesións, ofreceron un gran partido no que foron de menos a máis, serio en defensa e con gran desgaste físico.
Cilene, no minuto 18, aproveitou unha falta para brindarlles a vantaxe ás galegas e finalizar a primeira parte con 0-1. Con todo, o regreso á pista non foi tan agradable. Aos poucos segundos do reinicio, o Móstoles igualou a contenda grazas a Patri Chamorro nun penalti de Jozi. Tan só dous minutos despois, o Pescados Rubén recuperaba a iniciativa no electrónico tras un contraataque, materializado por Cristina ao segundo pau. A estrea de Tais Alves non podía ser mellor, asinando o 1-3 no minuto 26, cun balón desde os dez metros que se coou pola escuadra. Superado o ecuador do segundo acto, as burelistas ampliaron a fenda, cunha tentativa en propia porta de Celia, en tentativa de despexe. As galegas tiveron que navegar co lastre das cinco faltas. No 35, o Móstoles, sen facer dano, quixo ir polo partido con xogo de cinco. Tan só puido atopar o gol, nos últimos segundos, de novo con Patri Chamorro, de dobre penalti.
Ficha técnica
Móstoles FSF: Miri, Patri Chamorro, Celia, Inma, Carmen Alonso, cinco inicial; tamén xogaron Shiori, Benete, Desi, Rocío Robles
Pescados Rubén Burela FS: Jozi, Dany, Cristina, Cilene, Lara Balseiro, cinco inicial; tamén xogaron Jenny, Luci, Alves, Cris, Ana Romero
Goles: 0-1, minuto 18, Cilene; 1-1, minuto 21, Patri Chamorro; 1-2, minuto 23, Cristina; 1-3, minuto 26, Alves; 1-4, minuto 32, Celia (p.p.); 2-4, minuto 40, Patri Chamorro
Árbitros: Cabello Ruiz // Cubero García. Por Móstoles amarela a Patri Chamorro (minuto 32). Por Burela amarela a Cristina (minuto 28).
Incidencias: Partido correspondente á xornada 3 de Primeira División RFEF Liga Foro 16 Feminismo disputado no pavillón Villafontana de Móstoles. Minuto de silencio inicial pola traxedia de Sant LLorenç.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
