Viveiro, 5 de novembro de2018. No día de hoxe tivo lugar unha reunión coa Asociación de Veciños do Casco Histórico de Viveiro, na que os seus representantes expuxeron diversos temas sobre os que existe preocupación ou inquedanza e na que, por parte desta alcaldía, se lles explicou en que situación se atopan e mais os trámites ou xestións que o concello está a levar a cabo en cada un dos casos.
Entre os asuntos que se trataron figura a praga de gaivotas; por parte do concello comunicouse á asociación de veciños que se vai valorar a posibilidade de ampliar o estudo que se realizara no seu momento, sobre a presenza desta ave en Covas, Viveiro e Celeiro, para ampliar este estudo facéndoo extensible a outras zonas do municipio.
O segundo tema que se tratou é o dos ruídos, sobre o que o concello leva tempo traballando. Tal e como se explicou, somos conscientes das molestias ocasionadas polo ruído que xeran determinados pubs que incumpren os horarios e estanse a tramitar os expedientes sancionadores correspondentes; comunicouse, ademais, que o concello está a adoptar as medidas oportunas para solucionar esta situación e que, entre outras, por parte da Policía Local se vai a realizar un control máis exhaustivo deste asunto.
Falouse, tamén, do tema dos cans e animais domésticos; a este respecto, explicouselles que o concello xa ten elaborada a ordenanza correspondente e que esperamos poder aprobala en breve.
Preguntaron, finalmente, polas edificacións abandonadas; neste sentido, ademais de explicar os trámites que se veñen levando a cabo por parte do concello, acordouse entregar unha relación con todas as actuacións que se fixeron.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
