Viveiro 5-10-2018. A maestría que o cociñeiro Miguel Mosteiro ven impartindo por todos e cada un dos concellos pesqueiros do territorio da Mariña-Ortegal concitou grande interese entre @s alumn@s asistentes ós talleres de Cociñado de Peixes e Mariscos da zona celebrados este sábado nos concellos de O Vicedo e Viveiro.
Os participantes seguiron con grande interese e de maneira activa as técnicas de corte e desespiñado de peixes. Igualmente, achegáronse ós fogóns para mesturar os ingredientes das distintas elaboracións que o chef propuxo para esta ocasión. Así, as herbas de litoral ou mesmo as algas maridaron perfectamente á hora de cociñar unha xarda con risoto de codium, pescada mareira con parmentier de pataca ou rolliños de xarda con concasé de tomate e menta.
A iniciativa do GALP A Mariña-Ortegal ten como fin incentivar o consumo das especies que se capturan e comercializan no territorio, amosando maneiras alternativas de limpeza e cortes así como tamén novas formas de cociñado. Os talleres desenvólvense de xeito interactivo co fin de que o consumidor final poña en práctica as técnicas aprendidas e se desmitifiquen así certos reparos que xorden á hora de elixir o produto nos mercados.
O vindeiro sábado, os obradoiros trasládanse ós concellos de Xove e Cervo nos que se atopa aínda aberta a inscrición.
Para mais información: 629 87 20 80
obradoiroscocinamarinaortegal@gmail.com
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
