Centos de persoas saborean ata este domingo, as propostas preparadas polos 20 locais hostaleiros que participan nas xornadas gastronómicas Asturias en Ribadeo

Ribadeo 3-11-18. Bares, mesóns e restaurantes serven durante esta fin de semana tapas, racións e menús especiais.
Nas xornadas gastronómicas Asturias en Ribadeo participan: O Tumbín, O Lar de Manolo, O Indiano, A Dorada, Galipizza, Prohibido, La Lira, Porta Norte, Cayo Coco, La Brisa, Rosalar, Náutico, Maloserá, Bar Galicia, El Rincón del Gordo, La Solana, La Cantina, Queimada, O Alén e Cienfuegos.
No parque de San Francisco hai degustación de sidra, a cargo de Sidrería Solleiro. Xunto ás propostas gastronómicas tamén a música está presente nestas xornadas. Onte, venres, pola noite, os encargados de amenizar a praza José María López foron Ilustres Patilludos. Este mediodía houbo pasarrúas a cargo de Os Paporrubios; esta noite a partir das 21:00 horas na Praza de Abastos terá lugar a actuación de L-R. E mañá, domingo, a mediodía a xornada estará amenizada con pasarrúas a cargo do grupo Los Gascones.
Desde Acisa animan “a saborear a cociña tradicional asturiana en Ribadeo nestas xornadas gastronómicas, a escoitar boa música e a degustar sidra. Trátase dunha boa maneira de pasar esta ponte festiva na nosa vila”