A asociacion de veciños de Moucide celebrou esta fin de semana a comida do outono, cunha boa afluencia de xente da parroquia.
ÚLTIMA HORA
- Entrega de premios da 8ª edición do Concurso de fotografía turística do Vicedo
- “A situación do lixo e da limpeza en Ribadeo vai de mal en peor”, afirma o BNG
- O Concello de Viveiro lembra a necesidade de cumprir coa limpeza da biomasa para previr lumes
- Deportivo da Coruña e C.A. Osasuna disputarán este sábado o Emma Cuervo feminino
- Entrega de premios da 8ª edición do Concurso de fotografía turística do Vicedo
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle" - Deportivo da Coruña e C.A. Osasuna disputarán este sábado o Emma Cuervo feminino
Terá lugar as 12:00h no Estadio Municipal Pepe Barrera de Ribadeo. Os precios das entradas serán de 10€ (Maiores de 15 anos); e de 5€ (nenos/as entre 8 e 15 anos); mentres que os menores de 8 anos terán acceso gratuito. Poderán adquirirse nas taquillas do Campo o mesmo dia do partido. - O Seminario de Estudos do Valadouro (SEVA) organiza un evento en memoria de Manuel Lourenzo
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro. - A exposición "Encontros de Xolo coa Arte" chega á Casa da Cultura de San Cibrao
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro. - Unha persoa resultou ferida no incendio dun alpendre na Pastoriza
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume. - Ribadeo celebrou este sábado a festividade do seu co patrón, San Roque. Pola mañá saíron os Cocos, houbo misa, procesión, concerto da Banda Municipal de Música e sesión vermú
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais. - A deputada de Cultura, Iria Castro, asistiu este sábado ao acto de lembranza e homenaxe a Dino Pacio Lindín (Xemil, Pastoriza, 1934-Nova Iorq, 2025), que se celebrou na Casa da Cultura de Pastoriza
Houbo intervencións do crítico literario Ángel Basanta e dos escritores Francisco Álvarez Koki e Xosé Manuel Malheiro, que glosaron a súa traxectoria como ensinante e renovador pedagóxico desde o Seminario de Mondoñedo ata as universidades neoiorquinas onde fundou o programa cultura e educativo Solidaridad Humana para formar emigrantes. A homenaxe, que contou coa presenza da familia, completarase coa inauguración da rúa Dino Pacio Lindín, unha das vias laterais á Praza e a Casa do Concello, un recoñecemento impulsado pola comunidade de montes Coto das Louseiras de Xemil. A área de Cultura colaborou na edición, en 2021, do libro "Dino Pacio Lindín, o guía dunha vangarda cultural", coordinado por Manuel Rivas García, con textos de antigos alumnos e amizades do sociólogo pastoricense.
2021 Crónica 3 A Mariña - Implementado por GaliciaDigital