O Teatro, de Ribadeo, acollerá este mércores unha mesa redonda sobre Gastronomía con produtos locais. Está organizada pola Asociación Eco Intereo e nela participará José Antonio Campoviejo, cociñeiro do Curral Do Indianu, que conta con estrella Michelín

Ribadeo, 27 de novembro de 2018. A Asociación Eco InterEo organiza dentro dos seus plans de formación para a produción agroecológica unha mesa redonda para falar sobre Gastronomía con produtos locais e o futuro de Asturias e Galicia desde un punto de vista sustentable e ecolóxico.
Ao debate asistirán:
·Daniel Martínez, director do Hotel Abba Praia de Xixón,
·José Antonio Campoviejo, cociñeiro do restaurante con Estrela Michelin O Curral do Indianu
·David Fernández-Prada, CEO de Gustatio e xornalista gastronómico.
Os profesionais do sector e aquelas persoas interesadas en turismo e gastronomía participarán nestes debates sobre o valor que achega ao territorio a cociña de proximidade. Esta mesa redonda terá lugar no Teatro, en Ribadeo, mañá mércores, 28 de novembro, a partir das 17:00 horas.
Segundo os organizadores “o obxecto das sesións é mostrar como a produción de alimentos locais de calidade supón un elemento de atracción ao territorio e un aumento do valor engadido desas producións, ademais de converter á hostalería do territorio no primeiro e máis importante chanzo de consumo dos devanditos produtos locais”.
Tras a mesa redonda José Antonio Campoviejo ofrecerá un show cooking a partir das seis da tarde aos asistentes, onde mostrará como elabora cinco das súas creacións desenvoltas con produto de proximidade.
A entrada é gratuíta e a duración da mesa redonda e o showcooking é de dúas horas aproximadamente.