PSOE e PP esquéncense do novo pavillón de Burela nos orzamentos que estes dous partidos pactaron na deputación o pasado martes, alerta o BNG

Burela, 29 novembro 2018. As aspiracións do pobo de Burela e do mundo deportivo mariñao, recibiron o pasado martes un serio revés propiciado polo PSOE e polo PP ao pactaren estes dous partidos os orzamentos da Deputación para 2019 ignorando e facendo caso omiso dos acordos plenarios do concello burelao e da Deputación de Lugo, que no pasado mes de xuño acordaran comprometerse “ao cofinanciamento da construcción dun novo Pavillón de Deportes en Burela, atendendo a criterios de proporcionalidade, comprometéndose o concello de Burela a levar a cabo a redacción do proxecto de construcción, para o que o concello aportará os terreos necesarios, tendo rematado o proxecto e os terreos dispoñibles nun prazo de catro meses”

Alfredo Llano non cumple a súa palabra
Desde o BNG, o seu portavoz na corporación de Burela, Mario Pillado afirma que esto é unha proba mais da falta de seriedade e pouca palabra do alcalde burelao, que foi incapaz de levar un proxecto rematado a Deputación e á Xunta, nin de ter conseguido a dispoñibilidade dos terreos, tal como se acordara nas sesións plenarias mencionadas. Ante a pregunta do BNG no pleno ordinario deste xoves non foi quen mais que de aprazar o cumprimento dos acordos, “En Outubro cumpríronse os prazos marcados e seguimos sen nada: nin proxecto, nin convenio, nin financiamento nin terreos” aseverou o voceiro do BNG, Pillado, quen continuou decindo que “o señor Llano aínda non entendeu en tres anos e medio que a Xunta o boicotea”.
Complicidade do PSOE e do PP en contra de Burela
Os nacionalistas critican o cinismo do PSOE e do PP, que en Burela defenden unha cousa, diante da presión veciñal e do BNG, pero fóra da Mariña agachan a orella, pois o PP apurouse a pactar uns orzamentos co PSOE en Lugo, para cubrir as súas “urxencias” electorais, deixando fóra dese acordo o pavillón de Burela. “Estes dous grupos practican o bipartidismo mais rancio, tirándose a pelota mutuamente, acendendo o ventilador do lixo nos medios, sen aportar unha soa solución para a vila e sen importarlles nin a veciñanza nin os usuarios de servizos como o de atención temperá, os alumnos do CEIP Virxe do Carme ou a construcción do propio pavillón…pero logo van da man contra o interese veciñal” sinalou Pillado
O BNG propuxo incluir 500.000€ nos orzamentos da Deputación 2019 para o novo pavillón
O deputado nacionalista mariñao Antonio Veiga presentou unha emenda na que se proponía incluir 500.000€ para iniciar a obra no 2019, non sendo tida en conta nin polo PSOE nin polo PP. Así mesmo, nos orzamentos da Xunta a deputada Olalla Rodil tamén presentou unha emenda no mesmo sentido.
“Os acordos son para cumplir, e o BNG non vai permitir que o concello de Burela, referente deportivo de Galiza quede sen as infraestruturas necesarias”
Así de contundentes se manifestaron os nacionalistas, e xa anunciaron que el@s van dar esta loita ata o final, dado o pouco interés que tanto Psoe coma PP mostran por esta necesaria obra.