Lugo, 17 de decembro de 2018. A adminsitración provincial e o Club de Baloncesto Burela renovaron a súa colaboración para promover o deporte base na Mariña Lucense. Así o avanzou o Presidente, Darío Campos Conde, logo de asinar un novo convenio entre o organismo provincial e a entidade mariñá por valor de 6.000 euros. Estes fondos contribuirán a sufragar os gastos derivados da tempada do club mariñán, como transportes, equipamento ou seguros federativos. O acto tivo lugar este luns no Pazo de San Marcos e tamén participaron o Alcalde de Burela, Alfredro Llano García, e o Presidente do club, Rogelio Cayón García.
Campos Conde lembrou “a firme convicción do Goberno da Deputación sobre a importancia de investir no crecemento do deporte base da provincia, permitindo que os máis cativos gocen das mesmas oportunidades para a práctica deportiva independentemente do lugar no que vivan”.
Os 6.000 euros cos que o Executivo Provincial colabora co CB Burela beneficiarán directamente aos preto de 130 rapaces, de entre 4 e 18 anos, que forman parte do club. Esta colaboración permitirá axudar a sufragar os gastos da tempada das diferentes categorías coas que conta o CB Burela (babybasket, prebenxamín, benxamín, alevín, infantil, cadete e júnior).
Llano García puxo en valor “o excelente traballo que desenvolve o Club de Baloncesto Burela para o espallamento do deporte entre os máis novos da Mariña, axudando a mellorar a xa de por si excelente saúde coa que conta o deporte na nosa comarca”.
Pola súa parte, Cayón García, agradeceu “a colaboración do organismo provincial, pois resulta fundamental para que os rapaces e rapazas do club poidan aprender e desfrutar do seu deporte favorito, formándose, ao mesmo tempo, en valores tan importantes como o compañeirismo, o respecto, ou a superación persoal”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
