Burela, 28 de decembro de 2018.- O delegado territorial da Xunta en Lugo, José Manuel Balseiro, amosou o apoio da Xunta á campaña “Merluza de Burela no Nadal”, que promoven a Organización de Produtores Pesqueiros (OPP) de Lugo e Armadores de Burela S.A (ABSA) e consistirá na distribución de 600 racións de pescada do pincho de Burela entre os centros de maiores da Mariña.
Balseiro, delegado da Xunta de Galicia en Lugo, e Pablo Fernández Asensio, Xefe Territorial da Consellería do Mar, visitaron a lonxa de Burela para coñecer os detalles desta iniciativa da man de Abelardo Basanta e Miguel Neira, presidente e xerente de Armadores de Burela; e Juan José Otero e Sergio López, presidente e xerente da OPP de Lugo.
Os promotores repartirán a pescada en oito centros, dos cales un é titularidade da Xunta de Galicia, en concreto a Residencia de Maiores de Burela. Os outros son residencias, apartamentos tutelados e vivendas comunitarias situadas en Foz, Mondoñedo, O Valadouro, Viveiro, Xove, A Pontenova e Ribadeo.
As racións de pescada do pincho de Burela repartiranse entre este sábado 29 e o luns 31 de decembro e será entregada tal e como demandaron desde cada un dos centros: pezas enteiras ou cortadas en lomos, filetes ou rodaxas.
O delegado gabou esta iniciativa social que “pon a guinda a unha intensa campaña de promoción desenvolvida pola OPP e ABSA para dar a coñecer este produto de extraordinaria calidade que tamén sae da lonxa burelense”.
No mesmo sentido, Sergio López sinalou que “a merluza do pincho é a principal especie comercializada na lonxa de Burela, tanto en descargas como en ventas. Desde a OPP Lugo e ABSA acordamos doar unha partida desta principal pesquería como unha bonita acción social”.
No marco da programación de difusión levada a cabo pola OPP e ABSA, tamén se elaborou un calendario para o ano 2019 con receitas de cociñeiros do grupo Nove, ademais de intensificar a súa presencia nos medios de comunicación e nas redes sociais.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
