A Mariña 15 de xaneiro 2019. Desde o BNG manifestaron a súa decepción e enfado diante das contas estatais presentadas polo goberno central, porque unha vez mais os orzamentos estatais marxinan á comarca de A Mariña, a comarca mais puxante e mais dinámica da provincia e do norte galego, que leva anos sufrindo o abandono dos sucesivos gobernos do Estado.
Este abandono deixouna incomunicada en materia de infraestruturas, con vinte anos de retraso respecto a outras zonas do estado e de Galiza incluso, pois hai dúas décadas que deixaron desvertebrada á Mariña ao desviar a Transcantábrica do seu trazado inicial, marxinando a toda a parte occidental
.
A Mariña non pode agardar unha década mais en materia de infraestruturas
Para o BNG, a A-74, que arrancará agora coa exposición do proxecto do tramo Foz-Barreiros debe de ser axilizada, consignando partidas suficientes tamén para os tramos Foz-Burela, e Burela-San Cibrao, para que empecen cantos antes, e simultáneamente ao tramo agora en exposición, e non partidas testimoniais, pois así correse o risco de estar outra década mais sen vela executada, outro tanto como ocorre co Corredor San Cibrao-Ferrol, que é competencia da Xunta.
Volven a tomarnos o pelo co Fiouco e a N-642
“Resulta unha tomadura de pelo que volvan a consignar partida para o arranxo da N-642, para rehabilitación do firmen (2.280.620€) cando xa estivo en orzamentos anteriores e non foi executada, arranxando únicamente algún tramo cando o paso da Vuelta Ciclista. E o que é mais insultante para as veciños e veciñas da Mariña é que nos sigan enganando e intentando despistarnos con outra nova inversión-despilfarro para O Fiouco” afirmou a responsable comarcal Ana Ermida, que tamén fixo fincapé na inexistencia de partidas para a rehabilitación integral do firme da N-634, na que só se realizan bacheos e parches.
Estes orzamentos certifican o desmantelamento de Feve
Tamén se pronunciou Ana Ermida a respecto de Feve, manifestando que estes orzamentos dun goberno supostamente progresista, e apoiado tamén por partidos que se din progresistas, son a certificación do desmantelamento desta importante infraestrutura ferroviaria para A Mariña e o norte galego.
A Mariña, sen apoios no Estado
Para as nacionalistas, os supostos valedores da Mariña, tanto os de aquí, coma os de fóra que din representarnos, esquéncense de nós ao pasar a Gañidoira ou o Fiouco, e comprometen o seu voto sen importarlles a comarca.
E esto fano uns e outros tanto que estean no goberno coma no oposición. Entenden as nacionalistas tamén que a actuación principal da Subdelegación do Goberno na provincia tén que ir mais aló de supervisar o bacheo das deterioiradas estradas, máxime cando quen está ao fronte desa institución é tamén representante mariñá.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
