Ribadeo, 12 de xaneiro de 2019. Acisa repartiu este sábado na VIII Festa do Comercio 5.000 euros en vales de compra, que as afortunadas e afortunados poderán gastar na hostalería e no comercio asociados ao longo dos dous vindeiros meses.
Desde o pasado 1 de decembro Acisa repartiu 200.000 papeletas entre os seus clientes. Máis do 80% foron introducidas nunha urna instalada na carpa na que se celebrou o sorteo esta noite, que durou 35 minutos aproximadamente. Todos os números premiados apareceron moi rápido.
O primeiro foi o denominado como non presencial, que se coñeceu mediante un programa informático, e que lle correspondeu a Isabel Iriarte Rodríguez, que nese momento se atopaba nas inmediacións do parque de San Francisco e xa puido recollelo en persoa.
As outras cinco papeletas foron extraídas polas mans inocentes de Violeta Loredo e Javier Ferreiro, os dous nenos gañadores do concurso de cartas e debuxo Queridos Reis Magos, que convocou Acisa este Nadal. Eles recibiron como agasallo xoguetes.
O premio de 2.000 euros en vales de compra foi para a ribadense Olga Rivas López. O premio de 1.000 euros foi para María Antonia Barcia Fernández tamén veciña de Ribadeo. O premio de 500 euros correspondeulle a Marta Muñiz Suárez, de Ribadeo. Os dous premios de 250 euros foron para Sofía Folgosa Pérez e Isaac Rodríguez Álvarez, ambos de Ribadeo.
As papeletas afortunadas foron entregadas en Bar Queimada, restaurante Marinero, Folder e Farmacia Álvarez Lebredo. E fixeron entrega dos premios: Roberto Rivas e Ramón Loredo, vocais de Acisa; Manoli Torviso, tesoureira; María Antonia López, secretaria da asociación; Juan Andina, vicepresidente de Acisa; Francisco Iriarte, o presidente do colectivo empresarial; e o alcalde de Ribadeo, Fernando Suárez.
Desde Acisa calculan que arredor de 3.000 persoas seguiron este sorteo en directo tanto desde o interior da carpa como desde o exterior, en pleno parque de San Francisco. A directiva da Asociación de Comerciantes pide disculpas “polas posibles molestias ocasionadas, porque había tanta xente que sabemos que algúns seguiron o sorteo con certa dificultade desde o exterior. Traballaremos para que na vindeira edición da Festa do Comercio isto non volva ocorrer”.
Desde a directiva de Acisa tiveron palabras de agradecemento para “os traballadores do Concello de Ribadeo polo esforzo realizado para que o sorteo se puidese celebrar hoxe na carpa na que ata onte aínda quedaba xeo da pista que houbo este Nadal. E a El Farero Audiovisuales, a empresa encarga da montaxe de imaxe e son desta VIII Festa do Comercio”. O evento foi presentado pola xornalista e membro da directiva de Acisa Carmen Cruzado e polo xerente da asociación, Jesús Pérez.
Acisa repartiu na VIII Festa do comercio 5.000 euros en vales de compra para gastar nos establecementos asociados. Arredor de 3.000 persoas seguiron o sorteo en directo
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
