Mondoñedo, 12 de xaneiro de 2019 .- O Goberno local vén de inscribir a finca 25054 -o número 13 da Rúa Bispo Sarmiento- do Rexistro da Propiedade de Mondoñedo no Rexistro de Solares do Concello. Ao mesmo tempo, comunica a inscrición ao Rexistro da Propiedade de Mondoñedo, en aplicación do artigo 137.3 da Lei 2/2016, de 10 de febreiro, de solo de Galicia, aos efectos da anotación correspondente, así como ao propietario.
Previamente declarouse a ruína do inmoble ordenando a execución de obras de consolidación da fachada do edificio. Ante o incumprimento reiterado da orde de execución, o Concello impuxo dúas multas coercitivas (o 23 de marzo e o 30 de xuño de 2018) sen que o titular, unha entidade bancaria, chegara a cumprir a orde de execución.
Ao non efectuarse a rehabilitación por parte do propietario e ante e inexistencia de partida orzamentaria suficiente para acordar a execución subsidiaria da orde de rehabilitación, pode apreciarse a concorrencia dun suposto de ineficacia de medidas de execución forzosa polo que, ao amparo da Lei do Solo de Galicia, o Concello procede á inscrición do edificio no Rexistro de Solares municipal.
O edificio sairá a poxa pública
A inscrición no Rexistro Municipal de Solares habilitará ao Concello para tramitar a venda forzosa do inmoble nos termos establecidos na lexislación do solo de Galicia. O Goberno local, no prazo máximo dun ano desde a súa inclusión no inmoble no Rexistro de Solares, sacarao a poxa pública co tipo de licitación que resulte da valoración do inmoble.
Se a poxa fose declarada deserta, o Concello no prazo de seis meses poderá adquirir o inmoble con destino ao patrimonio público do solo ou convocarase de novo, no mesmo prazo, con rebaixa do prezo tipo nun 25%.
Se a segunda poxa tamén quedase deserta, o Concello no prazo doutros seis meses poderá adquirir o inmoble con destino ao patrimonio público do solo polo prezo de licitación da segunda poxa.
Lei de rehabilitación e de rexeneración e renovación urbanas de Galicia
O Goberno local agarda “con expectación” a lei de rehabilitación e de rexeneración e renovación urbanas de Galicia. A norma que pretende facilitar a recuperación de centros históricos e núcleos rurais e protexer as edificacións históricas foi aprobada no Consello da Xunta deste xoves 10 de xaneiro para a súa remisión ao Parlamento.
A alcaldesa de Mondoñedo, Elena Candia, asegura que “a estratexia pasa por ofrecer axudas aos propietarios dos inmobles que precisen ser intervidos”. Con todo, anuncia “contundencia na aplicación da normativa para os propietarios que desoen todas as ordes e requirimentos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
