Lugo, 8 de xaneiro de 2019.- O Secretario Xeral do PSOE na Provincia de Lugo, Alvaro Santos, e o Presidente da Federación Galega de Municipios e Provincias (Fegamp), Alfredo García, mantiveron este martes un encontro, acompañados dos Alcaldes socialistas da provincia. Esta reunión está enmarcada dentro da actividade regular que desempeña o Consello de Alcaldes para deliberar e adoptar posturas sobre distintos temas que afectan a administración local e ao veciños da provincia. Durante o encontro, os rexedores lucenses abordaron co máximo representante da Fegamp as 3 principais demandas que teñen os municipios.
Executar o 100% e aumentar os criterios obxectivos dos fondos para os Concellos
Os rexedores da provincia explicáronlle ao Presidente da Fegamp que máis da metade dos 119 millóns do Fondo de Cooperación Local foi distribuído en base a criterios non obxectivos e partidistas, habitualmente a Concellos gobernados polo PP. Os socialistas lembran que o fondo creouse para paliar as desigualdades territoriais e que non se está cumprindo dito obxectivo. Por este motivo, os Alcaldes da provincia de Lugo están de acordo en tratar de canalizar e vehiculizar unha proposta para que se aumente a porcentaxe de distribución en base a criterios obxectivos do Fondo total para administracións locais, pois no 2018 contaba con 353 millóns, dos cales 234 foron para convenios directos, é dicir, máis do 66% do total foi asignado “a dedo”.
Máis investimentos para máis competencias
Os socialistas explicáronlle a Alfredo García que actualmente os municipios dedican unha parte importante dos seus recursos económicos a atender competencias impropias pero que se tratan de prestacións fundamentais para os seus habitantes. Segundo a Lei de Bases de Réxime Local a delegación de competencias ten que ir acompañada da correspondente financiamento, e iso, critican os Alcaldes, que non está a suceder. Os socialistas comprometéronse a identificar, cuantificar e certificar o custe de todas estas competencias para tratar de que as administracións que non as están exercendo acheguen eses investimentos para que se fagan realidade.
Plan Estratéxico de Infraestruturas Hidráulicas
Outra das principais demandas dos Alcaldes lucenses foi a situación actual do Canon da Auga que impuxo o PP na Xunta de Galicia e que obriga aos Concellos a cobrar aos seus veciños e ingresar o recadado ao organismo autonómico. Segundo este canon, todo o recadado financiará exclusivamente actuacións en materia de abastecemento, saneamento e explotación de depuradoras de augas residuais e xestión dos ríos, tendo coma un dos obxectivos fomentar o uso racional da auga e o aforro da mesma.
Neste eido os socialistas trasladáronlle a Alfredo García que o PP non compromete en investimentos o ingresado, producindo remanentes que se empregan para outras actuacións diferentes as estipuladas no Canon. Dos 13 proxectos licitados na provincia de Lugo dende o ano 2015, 12 foron para Concellos gobernados polos populares, contando cun investimento total de 4,8 millóns de euros. Os municipios son: Outeiro de Rei, Paradela, Sober, Friol, Foz, Mondoñedo, Cospeito, Begonte, O Páramo, Taboada, Lourenzá (en 2015, cando gobernaba o PP) e Vilalba.
Ante esta clara desigualdade, os socialistas expuxéronlle ao representante da Fegamp a necesidade real dun Plan Estratéxico de Infraestruturas Hidráulicas deseñado en base a criterios obxectivos e coa participación dos Concellos, que recolla actuacións concretas a desenvolver coa totalidade do Canon recadado, así como a posibilidade de que unha parte reverta de xeito directo no municipio recadador.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
