Burela 9-1-19. No día de hoxe, previa convocatoria do Comité de Empresa do Delegado de Personal, celebrouse na Praza do Concello a primeira concentración de traballadores e traballadoras municipais na historia do Concello de Burela, sendo esta secundada por unha ampla maioría dos empregados públicos.
As reivindicacións dos traballadores pasan por unha débeda histórica, a recualificación e avaliación obxectiva dos seus postos de traballo a través da aprobación da oportuna Relación de Postos de Traballo (RPT). O actual equipo de Goberno comprometeuse a rematar esta RPT no primeiro ano de mandato, aló polo 2016. De feito o mesmo Alcalde xa se comprometera ao mesmo no 2009.
Este documento é imprescindible para garantir os servizos municipais básicos, evitar o paulatino deterioro na calidade de prestación dos mesmos que ven acontecendo nos últimos anos, promover a estabilidade laboral do persoal contratado en fraude de lei e permitir a creación de novos postos de traballo que satisfagan as necesidades dos veciños e veciñas de Burela.
No canto disto, o grupo de Goberno do PSOE procedeu nos últimos exercicios a non aprobar Oferta de Emprega Público, o que conleva que non se cubriron postos por funcionarios de carreira nin laboral fixo, que son os que dan estabilidade ás familias, facendo no seu lugar contratos temporais, derivando algúns deles en fraude de lei. Por riba disto, durante os catro exercicios do actual mandato do PSOE en Burela, reduxose en centos de miles de euros destinados o gasto de persoal, mentres incrementou en máis de 100.000€ os cartos destinados a empresas privadas para traballos que, por certo, este equipo de Goberno se comprometera a levar a cabo con persoal propio do Concello.
Estamos cansos de ver notas de prensa do Sr. Alcalde onde fala do seu talante negociador mentres o que sucede realmente é que non negocia nada, limitándose a rebaixar o prezo das horas extras para seguir sen pagalas, prometendo uns criterios de produtividade que aínda estamos agardando, prometendo unha dotación económica para gastos socias e despois non deixando un peso nos orzamentos para isto… Vamos, o mesmo conto que o futuro pavillón de Burela.
Reiteramos que a vontade dos traballadores para chegar a acordos está intacta, e consideramos que a política de retrasar as mesas de negociación meses como está a facer o equipo de Goberno do PSOE en Burela non axuda en nada.
Celebrouse na Praza do Concello a primeira concentración de traballadores e traballadoras municipais na historia do Concello de Burela
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
