Ribadeo, 9 de xaneiro de 2019. O Concello ven de adquirir un novo etilómetro co obxectivo de mellorar os medios cos que conta a Policía Local. O alcalde ribadense, Fernando Suárez, sinalou que se trata dun aparato avanzado, homologado e moderno, que ten valor probatorio diante do xulgado. O rexedor subliñou que se cumpre así cun compromiso adquirido nunha das xuntas locais de seguridade celebradas hai uns meses.
Suárez Barcia contou que “no ánimo que temos de mellorar os medios sempre da Policía Local, para garantir a seguridade e tamén a mellor convivencia entre a veciñanza, acabamos de mercar un novo etilómetro”.
O alcalde explicou que “este etilómetro, con toda a homologación, ven complementar outro que tíñamos, pero que era orientativo. Este novo ten valor probatorio, é dicir, emite a impresión dos resultados das probas de alcoholemia que se fagan, e teñen valor diante do xulgado”.
O rexedor dixo: “queremos que sempre dean valores negativos, porque queremos que a xente cando conduza non beba, pero en todo caso deben saber, os que así o fagan, que a Policía Local terá un etilómetro de última xeración”.
Fernando Suárez engadiu que “o prezo foi aproximadamente duns 7.000 euros. É un compromiso adquirido nunha das xuntas locais de seguridade que tivemos anteriormente entre a Subdelegación do Goberno e o Concello de Ribadeo, de que era conveniente que un concello do tamaño do noso tivera medios propios para non ter que depender en circunstancias complexas doutros que puideran ser cedidos. A partir de agora que todo o mundo saiba que a Policía Local de Ribadeo conta cun instrumento avanzado, homologado e moderno para detectar as alcoholemias ao volante”.
O Concello de Ribadeo adquiriu un novo etilómetro para a Policía Local que terá valor probatorio no xulgado
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
