Lugo, 16 de xaneiro de 2019. A subdelegada do Goberno, Isabel Rodríguez, asegurou hoxe que “os Presupostos de 2019 están feitos para mellorar a vida das persoas máis vulnerables, demostran o compromiso social deste Goberno e axudarán aos lucenses con menos recursos económicos”.
Isabel Rodríguez destacou que “nas contas do Estado para 2019, o Goberno dálle prioridade aos pensionistas, os desempregados, ás mulleres maltratadas ou aos bolseiros, para acabar cos recortes que sufriron durante os anos que gobernou o PP”.
A subdelegada explicou que a provincia de Lugo tamén resulta beneficiada nos investimentos previstos en obra pública pois os Presupostos do Estado para 2019 inclúen unha suba do 18,1% nas partidas para investimento real do ministerio de Fomento, que se sitúan en 62,22 millóns de euros, aos que hai que engadir o investimento de outros ministerios como o de Transición Ecolóxica con 6,6 millóns para obras en saneamento, depuración e protección da costa.
O investimento real en melloras do ferrocarril medra un 96,1% ao pasar de 8,87 millóns de euros a 17,41 millóns cos que Adif atenderá actuacións de renovación e electrificación da liña entre Monforte e Lugo. O investimento real en estradas é de 43,45 millóns de euros. O Presuposto inclúe partidas para as autovías A-54, A-56, A-74 e A-76, ademais de 26 millóns de euros para a conservación de estradas, así como 9,4 millóns para adecuación dos túneles ao RD 635/2006 sobre seguridade e 5 millóns de euros para medios antiniebla na A-8.
Neste sentido, Isabel Rodríguez declarou que “están feitos con sensatez e realismo, para garantir o bó estado as infraestruturas que xa temos, ampliar as que nos faltan, vertebrando o conxunto da provincia e, sobre todo, estes son uns Presupostos deseñados para ser executados, non para mentirlle aos lucenses”.
“Estes Presupostos son unha boa noticia para Lugo, supoñen unha gran esperanza para as persoas que máis sufriron os recortes do PP e demostran que este Goberno aposta pola recuperación do Estado do Benestar”, concluíu a subdelegada.
PRINCIPAIS INVESTIMENTOS
Adecuación de túneles ao RD 635/2006 sobre seguridade
9.435.740
Renovación Variantes liña Monforte Lugo (Adif)
8.800.000
A-54. Tramo Vilamoure-Nadela e conexión con Lugo
5.813.280
Electrificación liña Monforte Lugo (Adif)
5.100.000
A-8. Sistema de protección antiniebla na Xesta
5.000.000
A-56. Treito San Martiño-Enlace de Barrela
3.370.700
N-642 rehabilitación do firme
2.280.620
A-74. San Cibrao-Burela
1.299.510
A-54. Melide-Palas de Rei na provincia de Lugo
1.150.620
Intervención no Camiño Francés en concellos de Lugo
1.200.000
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
