Mondoñedo, 20 de decembro de 2019.- A alcaldesa de Mondoñedo, Elena Candia, promocionará unha edición máis na Feira Internacional de Turismo (Fitur), que se celebrará en Madrid a vindeira semana, a ampla potencialidade turística que ofrece a localidade; que conta cun dos cascos históricos máis antigos do mundo, o cal se converte no marco ideal para a celebración dunha singular Semana Santa, declarada de Interese Turístico Galego.
Mondoñedo terá presenza no ‘stand’ de Galicia e terá espazo, entre outras, tanto na presentación das Semanas Santas declaradas Festas de Interese Turístico de Galicia como na do produto turístico que pon en valor o potencial dos cascos históricos galegos. En concreto, a alcaldesa de Mondoñedo intervirá o xoves 24, ás 16:30 horas, na presentación das Semanas Santas onde porá en valor as características únicas da mindoniense, que destaca pola “súa beleza, singularidade e antigüidade”.
Mondoñedo tamén terá protagonismo noutras presentacións de destinos e produtos turísticos de Galicia, ás que asistirá e apoiará a rexedora mindoniense. É o caso da presentación do produto que pon en valor o potencial dos cascos históricos de Galicia, destacando os seus valores culturais, gastronómicos e da artesanía local. De igual modo, Elena tamén estará na presentación da Mariña Lucense ou na da Deputación, entre outras.
Divulgar a oferta de produtos e servizos de destino
A rexedora local di que Mondoñedo “ten moito que dicir e ofrecer” en Fitur polo que ten pechadas reunións con axencias e operadores cos que establecerá contactos para divulgar a actual oferta de produtos e servizos deste destino declarado un dos Pobos máis Bonitos de España.
Entre estes recursos a alcaldesa enumera ademais do conxunto Histórico-Artístico co seu principal emblema, A Catedral, declarada Patrimonio Mundial da Unesco; a Cova do Rei Cintolo ou o Camiño de Santiago xunto ao museo de Cunqueiro, que se inaugurará en breve; ou o da Imprenta; así como a audioguía ficcionada ‘Cunqueiro e Familia. Un paseo emocionante polo Mondoñedo de Cunqueiro’, entre moitos outros, como pode ser o atractivo de contar coa Feira máis Antiga de Galicia, As San Lucas.
No gran evento internacional de turismo, Elena Candia tamén repartirá un marcapáxinas coa casa museo de Álvaro Cunqueiro, mostra do potencial literario e cultural mindoniense.
Ademais, entre os obxectivos da alcaldesa no marco de Fitur tamén se atopa o de coñecer as tendencias a nivel de comunicación para destinos locais.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
