Cervo, 9 de xaneiro de 2019.- O alcalde de Cervo, Alfonso Villares, e a edil de Facenda, Dolores García Caramés, debullaron hoxe o orzamento previsto para este ano 2019, que vai ser presentado este venres ante a Corporación Municipal na Comisión de Facenda, e que quedou pechado finalmente en 7.710.667, 27 euros, unha cifra nivelada entre gastos e ingresos.
O rexedor destacou as partidas dirixidas ao impulso da actividade do tecido asociativo do municipio “ao que destinamos máis de 200.000 euros en forma de subvencións nominativas ás diferentes asociacións culturais e deportivas que contribúen a dinamizar as nosas vilas a través da programación de diferentes eventos ao longo de todo o ano”.
Ademais, nos orzamentos (dentro do mesmo apartado de transferencias correntes) tamén cobra especial relevancia o programa de formación xuvenil a través de bolsas remuneradas que temos implantado desde o 2013 para o que destinamos 140.000 euros do orzamento deste próximo ano. Cremos que é unha iniciativa que está a dar resultados, e que ten como obxectivo “ofrecer á xuventude ese primeiro contacto co mundo laboral, reforzando a súa aprendizaxe para logo enfrontarse a un mercado laboral cada vez máis esixente e competitivo”. Nestes anos, 80 mozos e mozas do municipio realizaron estas bolsas en diferentes dependencias do Concello.
Dentro do orzamento tamén destacan, por exemplo, tal e como precisou Caramés, as partidas destinadas aos Servizos Sociais, que son de xestión municipal directa, con 481.522 euros; ou á Educación con 376.505 euros, na que se inclúen, ademais do servizo da Escola Infantil Municipal e o mantemento das instalacións educativas, as axudas que se destinan ao transporte, ás ANPAS ou aos centros escolares do muncipio para contribuír cos seus gastos de funcionamento diario.
A edil de Facenda quixo así mesmo subliñar o apartado de Investimentos Reais que incrementamos en 120.000 euros con respecto ao pasado exercicio, superando o millón de euros “porque a nosa intención é seguir esa liña que vimos marcando nestes últimos anos co fin de mellorar a calidade de vida dos nosos veciños, investindo naquelas infraestruturas esenciais que moitas veces non se ven, como as melloras na rede de abastecemento ou o achegamento do saneamento aos núcleos rurais; dotándoos de servizos de calidade para os seus habitantes, e coas que tamén tentamos favorecer o asentamento de nova poboación nas nosas aldeas”. Ademais esta partida tamén contempla melloras importantes en infraestruturas en todo o termo municipal.
Ademais, recordamos que o Concello de Cervo rematou o ano cunha débeda bancaria que, por primeira vez, está por debaixo do millón de euros, concretamente sitúase en 937.723,73 euros, entre os dous préstamos en vigor.
Tal e como precisou Villares en días pasados, “xa poderiamos ter amortizados estes créditos, pero como un deles non xera xuros e o outro apenas –pagáronse 110 euros no ano 2018-, optamos por destinar estes cartos a materializar proxectos e mellorar servizos fundamentais para a veciñanza, como as redes de saneamento ou abastecemento de auga”.
O alcalde destacou así mesmo vai uns días a importante redución da porcentaxe da débeda viva –resultado de dividir a débeda bancaria entre os recursos do Concello- que se situaba no 1999 no 151%, que é do 14,3% ao remate deste ano e a previsión é que rolde o 10% a 31 de decembro de 2019.
Orzamento Gastos. 2019
A) OPERACIÓNS CORRENTES.
5.789.252,48 €
I. GASTOS DE PERSOAL
3.048.601,50 €
II. GASTOS BENS CORRENTES E SERV.
2.353.048,70 €
III. XUROS.
7.000,00 €
IV. TRANSFERENZAS CORRENTES.
352.880,00 €
V. FONDO CONTINXENCIA
27.722,28 €
B) OPERACIÓNS DE CAPITAL.
1.321.414,79 €
VI. INVESTIMENTOS REAIS.
1.055.253,09 €
VII. TRANSFERENZAS DE CAPITAL
0,00 €
VIII. ACTIVOS FINANCIEIROS
0,00 €
IX. PASIVOS FINANCIEIROS
266.161,70 €
TOTAL
7.110.667,27 €
Orzamento de Ingresos. 2.019
A) OPERACIÓNS CORRENTES.
6.467.414,18 €
1. IMPOSTOS DIRECTOS.
2.597.915,63 €
2. IMPOSTOS INDIRECTOS.
42.189,46 €
3. TAXAS E OUTROS INGRESOS
2.319.233,29 €
4. TRANSFERENCIAS CORRIENTES
1.489.175,57 €
5. INGRESOS PATRIMONIAIS
18.900,23 €
B) OPERACIÓNS DE CAPITAL
643.253,09 €
6. ENAXENACIÓN INVERSIONS REAIS
0,00 €
7. TRANSFERENCIAS DE CAPITAL
643.253,09 €
8. ACTIVOS FINANCIEIROS
0,00 €
9. PASIVOS FINANCIEROS
0,00 €
TOTAL
7.110.667,27 €
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
