Alfoz, 15 xaneiro, 2019. Os populares de Alfoz piden que se manteñan limpas e se acometan con urxencia as tarefas necesarias de limpeza, mantemento e conservación das estradas que discorren polo municipio. A este respecto, o voceiro do Grupo Municipal Popular, Juanjo Fraga, lamenta que “o alcalde socialista non sexa capaz de manter limpas as vías de titularidade municipal para garantir a circulación en condicións de seguridade e tampouco de realizar os trámites oportunos para que a Deputación, da súa mesma cor política, actúe tamén nas estradas provinciais”.
O popular lamenta, neste sentido, un novo exemplo “do abandono que sufrimos os veciños e veciñas”. Concretamente, Fraga pon como exemplo “a situación das estradas provinciais que comunican a parroquia das Oiras coa do Pereiro e co centro de Alfoz onde a auga invade a calzada en varios puntos debido á caída de terra dos noiros que obstrúen as gabias. A falta de limpeza supón un perigo para a circulación dos vehículos polas mesmas causando problemas aos seus usuarios”, engade.
Dende o PP local aseguran que “non damos crédito do abandono que sofren as infraestruturas viarias do municipio” e engaden que, “no caso da parroquia de Oiras, a situación que presentan é de xulgado de garda. Vías de dobre sentido apenas superan os 2,50 metros de ancho útil ata o punto que se torna imposible que dous vehículos pasen simultaneamente en moitos treitos das vías que discorren por esta parroquia”, segundo critica Juanjo Fraga.
Isto demostra “a nula xestión do Goberno local en relación á limpeza e conservación das estradas”, precisan. É máis, o popular critica “a falta de capacidade do rexedor socialista e de todo o equipo de Goberno para dar resposta a cuestións tan básicas para o día a día dos alfocenses coma o acondicionamento de estradas”.
“Deixadez” do Goberno local
Ante estes problemas que demostran “a falta de atención que sufrimos os veciños de Alfoz por parte do Goberno local”, o voceiro do PP critica “a deixadez do equipo de Goberno que, despois de anos na oposición e de ter anunciado grandes cambios para o municipio, os únicos cambios que fixeron foron para peor”.
“Outro exemplo de mala xestión constitúeo a ponte de Guilifonso na estrada municipal que comunica o noso municipio co de Abadín; xa que se ve afectada cada vez que chove abundantemente”, apunta. “Aínda así, en lugar de arranxala, o Goberno local opta por botarlle area no burato. Pero esa non é a solución. De feito, despois de dous anos nesta situación, o problema segue a aparecer cando chove moito”, engade Fraga.
Ponte de Centoi
O popular recorda, así mesmo, que “levamos tempo esixindo a mellora inmediata da seguridade da ponte de Centoi da estrada provincial LU-P-0207 que comunica Reirado con Lagoa e dá acceso a outras parroquias e concellos limítrofes. Esta ponte está sen arranxar dende que a pasada primavera un coche caera ao río por mor dun accidente rexistrado nese punto”.
“Dende aquela nin a Deputación, que é a titular da vía, nin o Concello, por ser a administración máis próxima aos veciños e polo tanto coñecedora da situación, fixeron nada por dar solución a este problema que entraña un serio perigo para os usuarios da estrada. Nin sequera sinalizar ben”. É máis, “incluso a cinta colocada para sinalizar tiveron que empatala de novo os veciños despois das crecidas do río”, engade Fraga.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
