Lugo, 12 de febreiro de 2019.- A Consellería do Medio Rural destinou o pasado ano 103 millóns de euros ás axudas para explotacións agrarias suxeitas ao Sistema integrado de xestión e control no marco da Política Agraria Común (PAC), que beneficiaron a máis de 11.000 gandeiros da provincia de Lugo. Esta cifra supón un incremento do 12% con respecto aos pagos cuantificados no 2017.
O delegado territorial da Xunta en Lugo, José Manuel Balseiro, expuxo que estes datos poñen de manifesto a relevancia destas achegas para fomentar a competitividade do sector agrogandeiro lucense “tanto polo número de beneficiarios como polo importe concedido”. Proba do volume e importancia das axudas da PAC en Lugo, engadiu, “é que en 20 municipios da provincia a suma destas axudas supera o orzamento municipal total, nalgún caso mesmo o duplican con creces”.
Balseiro tamén destacou “a axilidade da Xunta no pago destas axudas, xa que entre os meses de novembro e decembro do ano pasado a Xunta xa tiña abonados os ingresos correspondentes ao 95% dos expedientes, e iso a pesar de que o prazo de pago non remata ata o 30 de xuño”.
Así mesmo, lembrou que xa está aberta unha nova convocatoria para que os gandeiros soliciten os pagamentos da PAC correspondentes ao ano 2019, e o prazo de solicitudes está aberto entre o 1 de febreiro e o 30 de abril.
Polo que respecta aos datos da última campaña, Balseiro subliñou que o importe principal corresponde ás axudas directas, que sumaron 83,1 millóns de euros e inclúen o denominado pago básico, o pago verde, axudas vinculadas a cultivos para alimentación animal ou á produción de legumes de calidade, ás explotacións que manteñan vacas nutrices, vacún de cebo ou vacún de leite, así como ovino e caprino, e aos agricultores que inicien a súa actividade con menos de 40 anos.
Por outra banda, concedéronse axudas ás explotacións situadas en zonas con limitacións naturais, por unha contía global de máis de 9,5 millóns de euros. En terceiro lugar figuran as axudas agroambientais, por valor de 8,9 millóns de euros, para primar aos agricultores que aplican prácticas beneficiosas para o clima ou o medio ambiente. E por último, os pagos para a produción ecolóxica chegaron aos 1,4 millóns de euros na provincia de Lugo.
En canto á distribución por comarcas, a Terra Chá e Meira asumen 28,5 millóns de euros, o 27% do total; a suma das áreas de Lugo, A Ulloa e a Montaña alcanza os 33 millóns de euros, o 32% do total; a comarca de Sarria recibe 18 millóns de euros, o 17% do total; a zona sur da provincia -Lemos, Chantada e Quiroga- suma 14,6 millóns de euros, o 14% do total; e finalmente a comarca da Mariña lucense rexistra 8 millóns de euros en axudas da PAC, o 7,8% do total.
Os cinco concellos da provincia que maior contía da PAC reciben son os de Sarria (5,3 millóns de euros), A Pastoriza (4,6 millóns), Paradela (4 millóns), Friol (3,8 millóns), e Guitiriz (3,7 millóns).
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
