Foz, 6 de febreiro de 2019. O BNG de Foz considera que as infraestruturas de transportes e comunicacións son necesarias para fomentar a actividade produtiva e para facilitar a mobilidade de persoas e mercadorías .
Neste sentido o BNG pensa que a A-74 é necesaria para vertebrar a comarca da Mariña, para comunicala coas comarcas das Rias Altas e do exterior e para potenciar a importante actividade económica que se dá nela .
Con todo, o trazado que finalmente se escolla debe respectar o patrimonio natural e monumental do Concello, alonxando canto sexa posible a autovía da Basílica de San Martiño. Debe respectar tamén as vivendas habitadas, e neste sentido os nacionalistas apoiarán calquera alegación que vaia nesta liña .
O BNG leva máis dunha década informando e presentando iniciativas sobre esta infraestrutura.
Compre lembrar que no ano 2007 o BNG presentou unha moción no Concello na que se propoñía que os técnicos municipais determinasen qué cantidade de solo quedaría invalidado para usos residenciais e que o equipo redactor do PXOM determinase o mellor trazado da autovía desde a perspectiva da vertebración territorial do concello, do desenvolvemento urbanístico e do impacto medioambiental . Tamén reclamaba a moción o rexeitamento dos tres trazados que propoñía daquela Fomento, e que se acordase un novo que respectase os criterios do Concello e dos veciños.
No mes de setembro de 2007 o BNG realizou actos informativos por todas as parroquias do concello para explicar os tres trazados de Fomento e recoller as opinións dos veciños , con vista a elaborar posibles alternativas .
No ano 2009 , en vista do retraso na execución dos tramos da vía de alta capacidade do litoral, nos tramos de Fomento ( Barreiros -San Cibrao ) e da Xunta (San Cibrao -Ferrol ) os concelleiros do BNG presentaron outra moción, na que reclamaban que se acordasen prazos e consignacións orzamentarias que permitisen rematar a vía Barreiros -Ferrol no horizonte de 2014 .
Asimesmo no mes de xullo de 2009 presentou cinco alegacións ao trazado da autovía proposto por Fomento, entre elas as que reclamaban reducir o impacto da mesma nas proximidades da Basílica de San Martiño, da área recreativa do Carme, e nas fontes, mananciais e vías do concello .
O BNG insta ao Estado e á Xunta a acabar co atraso da comarca en materia de infraestruturas
Agora , o BNG volve a denunciar o retraso de 20 anos na execución desta obra , e reclama que se axilicen os tramos Foz-San Cibrao, competencia do Estado, e San Cibrao –Ferrol, competencia da Xunta , con consignacións orzamentarias urxentes, para paliar a marxinación á que condenou a comarca da Mariña a substitución do trazado pola costa ata Ferrol polo actual trazado polo interior.
Para o BNG, é prioritaria a axilización deste tramo da A-74 Barreiros-Foz así coma a dos outros dous tramos, Foz-Burela, e Burela-San Cibrao, que se deberan licitar simultaneamente a este, para poder executalos tamén simultaneamente, e que poidan entrar en funcionamento nun prazo máximo de 5 anos. Por eso desde o BNG instan tamén a todos os representantes políticos da provincia e da comarca no Congreso dos Deputados, a posicionarse en defensa da axilización destas infraestruturas tan necesarias para A Mariña.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
