Foz, 9 de febreiro de 2019. O Concello de Foz presentou este venres, o seu programa do Entroido 2019. Os actos darán comezo o 16 deste mes coa cea de coroación da raíña e seguirán o día 28 co Xoves de Comadres. César Rodríguez González, coñecido como Cesarín, será o encargado de dar o pregón o 1 de marzo e o día grande será o 2 de marzo, data na que se celebrará o tradicional desfile do Entroido no que se repartirán máis de 7.000 euros en premios. As actividades seguirán ata o 8 de marzo.
O alcalde de Foz, Javier Jorge Castiñeira, que estivo acompañado na presentación polo concelleiro de Cultura, Ánxel Paleo Soto, anunciou que “no día de hoxe vimos de presentar unha nova edición do Entroido de Foz, que comezará os seus actos o próximo sábado 16 de febreiro, coa cea de coroación da raíña do Entroido. É un éxito máis de participación, con máis de 800 entradas vendidas, e esperamos chegar case ás mil entradas. Amenizarán ese día a Disco Móvil DJ Puzzle e o grupo de batukada local Perkusiona”.
O rexedor engadiu que “o xoves 28, xa achegándonos máis aos días de Entroido, será o Xoves de Comadres, ás nove e media da noite no restaurante Leytón, organizado por AFAMMER e a Asociación de Amas de Casa de Foz. Metidos no Entroido, o venres 1 de marzo, na Sala Bahía, teremos o pregón, ás oito da tarde, a cargo de César Rodríguez, que todo o mundo coñecemos por Cesarín e é un daqueles míticos antroideiros que iniciaron os desfiles en Foz con moitísima tradición. Tamén o venres, ás oito e media, haberá o típico concurso de coplas”.
Javier Castiñeira sinalou que “o sábado 2 de marzo será o día grande. Ás dez da mañá daremos o fogonazo e durante todo o día haberá charangas polas rúas de Foz. Ás cinco da tarde empezará o 38º desfile do Entroido, que é o acto máis importante do Entroido de Foz, onde se reparten máis de 7.000 euros de premios. Ás once e media da noite será o gran baile, no que se entregarán eses premios, e amenizarán o baile as orquestras Finisterre e Nazaret. As entradas son a 6 euros e os que participan no desfile terán unha bonificación”.
O alcalde explicou que “o domingo é o Día dos Nenos, ás cinco de tarde, na Sala Bahía, amenizado polo Show de Susana, con inchables e obradoiros infantís, e coa entrada a 3 euros. Pola noite, haberá o Touporroutou, con toda a sátira e toda a crítica, organizado pola asociación A Pomba do Arco, no salón de actos do colexio Martínez Otero. O luns, 4 de marzo, teremos o Día do Entroido co baile típico do farolillo, ás once da noite, coa orquestra Os Alcántara e a Disco Móvil Decibelios, tamén nos acompañará o DJ Dani Rego, e a entrada será 3 euros. O martes, 5 de marzo, na Sala Bahía, organizado pola Asociación de Amas de Casa, teremos un baile con inchables para os máis pequenos. O día 8 queimaremos xa o Entroido, esperemos que con toda a satisfacción de ter pasado uns días estupendos. Ás dez da noite sairemos, como sempre, dende Campo da Cabana ata o peirao, alí queimaremos o Entroido e teremos un pequeno ágape para todos os asistentes”.
Javier Castiñeira quixo “agradecer a todas aquelas persoas que se involucran nisto porque a verdade é que sen a súa participación sería imposible e eles fan que este sexa un dos mellores entroidos da Mariña. Tamén agradecer a Sempre Foz, que está aí para botar unha man na organización, que é fundamental para poder levar a cabo tal cantidade de actividades”.
O Entroido de Foz comezará o 16 de febreiro coa cea de coroación da Raíña e prolongarase ata o 8 de marzo. César Rodríguez González dará lectura ao pregón o día 1
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
