Lugto, 7 de febreiro, 2019. Os populares lucenses lamentan que “a ministra de Industria non aproveitara a súa visita a Lugo para anunciar unha mellora dos orzamentos do Estado para a nosa provincia”. É máis, dende o PP da provincia de Lugo consideran que “Maroto só veu a facerse a foto, pero perdeu a ocasión de atender as demandas dos lucenses”.
Nese sentido, dende o Partido Popular da provincia consideran “outra burla para a provincia” a visita da ministra de Industria, Comercio e Turismo. “Por se non fora pouco o agravio aos lucenses no borrador dos Presupostos Xerais do Estado que elaborou o Goberno do PSOE, agora ven unha ministra socialista a Lugo con promesas, pero coas mans baleiras”.
“As necesidades dos lucenses non se atenden con promesas, senón cunha aposta clara e decidida pola provincia que lamentablemente non amosa o Goberno socialista que só destina 213 euros de investimento por habitante na provincia de Lugo”, critican os populares. Así, recordan que “Galicia é das comunidades autónomas máis castigadas por Pedro Sánchez” deixando claro que “os lucenses non somos unha prioridade para o PSOE”.
O PSOE lucense, ausente
Dende o PP da provincia engaden que “o PSOE lucense mantense ausente na demanda de melloras nos Presupostos Xerais do Estado que beneficien aos nosos veciños e veciñas” demostrando “o seu escaso peso para conseguir algo para esta provincia”. É máis, convídanos a “defender os intereses dos lucenses presentando emendas ás partidas necesarias para que ningunha obra teña menos contía das que xa figuraban na previsión da anualidade para 2019 nos Presupostos elaborados polo PP e que aínda están vixentes”. É dicir, “os socialistas lucenses deberían dar a cara e esixirlle a Sánchez o mesmo trato para nós que para os cataláns”.
Por outra banda, os populares lamentan que “dende o PSOE lucense incluso queden calados cando o Goberno aproba medidas lesivas para o emprego coma a suba da cota da Seguridade Social a algúns colectivos de traballadores autónomos ou cando sube os impostos ao diésel e ao aforro prexudicando a moitas familias lucenses”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
