Remata a instalación dos dolos no portiño de Morás

Rematou este mércores un dos traballos que entraña maior dificultade técnica dos que está a realizar o Ministerio para a Transición Ecolóxica dentro do proxecto de recuperación ambiental do portiño de Morás, que leva a cabo a Dirección Xeral de Sostenibilidade da Costa e do Mar no municipio de Xove. Trátase a instalación de 8 dos dolos que estaban abandonados na zona na que se fabricaban inicialmente estas pezas de formigón, que teñen un peso de 53 toneladas cada unha, destinadas á construcción dos espigóns do porto de Alcoa, que foron deseñados de xeito que se puideran entrelazar entre sí, como as pezas dun puzzle, para poder resistir os
embates das ondas do mar.