Trinta persoas asistiron en Burela ao curso de iniciación á poda e ao inxerto, organizado pola Concellería de Medio Ambiente

Foi impartido este venres, por Luisa Mª Granja Domínguez, enxeñeira técnica agrícola en hortofruticultura e xardiñería. A mañá estivo dedicada á poda de árbores ornamentais, cunha parte teórica e unha práctica. E pola tarde o tempo dedicouse ás arbores frutais e inxertos. A parte práctica fíxose arredor da igrexa, debido á existencia de prantas ornamentais e dunha grande variedade de árbores frutais. E a teoría tivo lugar no salón de conferencias. A concelleira de Medio Ambiente, Noelia Mª Ben, amosouse satisfeita pola acollida que tivo o curso: “houbo moita demanda, asistiron 30 alumnos e alumnas e quedou bastante xente en lista de espera”