Ribadeo, 25 de marzo de 2019. Ata o 12 de abril está aberto o prazo para participar no III Certame Xuvenil Literario e de Artes Plásticas Concello de Ribadeo. Establécense tres modalidades: relato curto, poesía e debuxo. E haberá un premio de 500 euros por categoría. O Certame foi presentado esta tarde no salón de plenos polo concelleiro de Cultura, Farruco Graña.
O edil nacionalista dixo que “un ano máis vén a primavera tamén para o mundo das letras e por terceiro ano o Certame Xuvenil Literario e de Artes Plásticas do Concello de Ribadeo ve a luz. É un pracer ademais facelo diante desta imaxe tan preciosa que resultou gañadora o ano pasado, a edición anterior”.
Farruco Graña indicou que “pouco a pouco vai collendo forma e queremos animar aos mozos e mozas de Ribadeo, por suposto, e de toda A Mariña luguesa a que participen neste terceiro Certame Literario e de Artes Plásticas Concello de Ribadeo porque é a mellor ocasión para dar a coñecer as súas habilidades tanto literarias como plásticas. E poderán facelo, coma sempre, enviando as súas obras ao Concello de Ribadeo. Hai un prazo ata o 12 de abril de 2019 para enviar a súa obra e para consultar máis polo miúdo as bases do certame, que apenas mudan con respecto ás do ano pasado salvo obviamente as datas, poden facelo na sede electrónica do Concello de Ribadeo na sección de anuncios porque aí vén todo explicado polo miúdo. E ademais, por suposto, no muro de facebook da Concellería de Cultura tamén poden consultar toda a programación cultural en xeral do Concello e nesta ocasión tamén poden consultar as bases deste terceiro Certame Literario de Artes Plásticas Concello de Ribadeo”.
Para o concelleiro de Cultura “non hai que perder a oportunidade, hai que facer ese pequeno esforzo desas vivencias, esas sensacións, eses sentimentos que se levan dentro plasmalos por escrito ou mediante cores e figuras. Así que mozos e mozas dos institutos da Mariña luguesa animádevos a participar. O ano pasado houbo compañeiras vosas que o fixeron e tiveron a ocasión de ver premiada a súa obra. Así que qué mellor ocasión que participar e facermos entre todos cultura e apoiar o mundo das letras e das artes plásticas deste xeito”.
Graña engadiu que “a franxa de idade que abrangue este concurso é entre 16 e 30 anos, pero como sempre hai que poñer un límite concreto poden participar neste concurso todos aqueles mozos e mozas que naceran entre o 1 de xaneiro de 1988 e o 31 de decembro do ano 2002. E dito graficamente, por niveis, a xente que agora está facendo Bacharelato ou un ciclo formativo ata os 30 anos, un pouco como a idade simbólica do paso da adolescencia á idade adulta. É unha convención, pero é a que se utiliza habitualmente para estas cousas. Así que mozos e mozas de entre 16 e 30 anos non deixedes de participar”.
Ata o 12 de abril está aberto o prazo para participar no III Certame Xuvenil Literario e de Artes Plásticas Concello de Ribadeo
Relacionado
-
María Teresa Díaz Sanjurjo, veciña de Castropol, gañou un dos premios da campaña da Volta ao Cole de Acisa Ribadeo
-
Mulleres inmigrantes de Foz completan con éxito os cursos de caixeira/repoñedora e camareira de pisos
-
Dobre recoñecemento internacional para Adega Don Pedro Leivas de Riotorto no Salón Internacional de les Sidres de Gala
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
