Lugo, 25 de marzo de 2019. A Deputada de Promoción Económica e Social, Sonsoles López Izquierdo, deu conta, este luns, das últimas novidades do Plan Laboral Tecendo Emprego, pois ao longo desta semana, levaranse a cabo os procesos selectivos para os perfís profesionais que se inclúen nesta iniciativa de emprego. Son un total de 350 aspirantes que se dividen en 70 entrevistas por día, realizadas no Centro de Artesanía e Deseño (CENTRAD). Tras a finalización deste proceso selectivo, publicarase nas vindeiras semanas, as listaxes das notas obtidas para cada posto. Todas as fases do programa compartiranse na páxina web da deputación: http://deputacionlugo.gal/gl/temas/emprego/tecendo_emprego/candidatos
López Izquierdo avanzou que “tras publicar a listaxe de requirimentos, continuamos co procedemento de selección, iniciando as entrevistas dos aspirantes esta mesma mañá. Técnicos de emprego, divididos en dúas comisións, seleccionarán entre os 350 aspirantes, aos candidatos para os perfís profesionais solicitados, ao longo de toda esta semana. O total de inscritos, demostra o éxito da convocatoria do plan laboral Tecendo Emprego, que trata de favorecer a contratación de mozos sen experiencia ou maiores de 50 anos”.
Dos 56 perfís profesionais que se ofertaron inicialmente neste plan de emprego, un total de 11 postos non recibiron solicitudes polo que, unha vez rematado o proceso selectivo dos 45 empregos restantes, poderanse volver a convocar. Tras rematar as entrevistas e publicar as notas obtidas para cada posto, elevarase á Xunta de Goberno e darase coñecemento da relación definitiva de traballadores asignados ás entidades e colectivos sociais beneficiarios deste plan de emprego. Nos cinco días seguintes á publicación definitiva, as entidades terán que formalizar a contratación dos mesmos mediante a modalidade contractual e pola xornada laboral establecida na solicitude realizada.
Os candidatos deben acudir as entrevistas cun documento que acredite a súa identidade e presentar mediante documentación orixinal os requisitos esixidos de cada un dos perfís profesionais: titulación académica, contratos ou nóminas para acreditar a experiencia laboral e demais esixencias da cada perfil (carné de conducir…). No caso de establecerse un empate entre candidatos a prelación de aspirantes será, en primeiro lugar, o de maior antigüidade na inscrición como demandante ou mellora de emprego, segundo a data de nacemento, favorecendo os de maior idade e en caso de persistir o empate establecerase o grado de vulnerabilidade.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
