Mañón 26-3-19. A orixe don montes comunais pérdese na memoria do tempo. Galicia, caracterizada pola dispersión xeográfica e o minifundismo, necesitaba de espazos comúns que garantizasen unha serie de recursos (alimento, estrume, leña, plantación,…) dos que doutra maneira non podían dispoñer. A chegada do réxime franquista supuxo o derradeiro cambio drástico na xestión dos montes veciñáis, provocando o abandono de moitos aproveitamentos e prácticas comunitarias. A antiga vinculación da poboación rural galega co monte foise reducindo de xeito paulatino. A mediados da década dos 70, os montes veciñais comenzan a retornar aos seus lexítimos donos, os veciños e veciñas, pero xa nun contexto socioeconómico diferente.
Na actualidade, as comunidades de montes representan en torno á cuarta parte da superficie galega, 700.000 hectáreas repartidas en máis de 2800 comunidades que, no contexto socioeconómico actual, tentan recuperar a importancia que algún día tiveron; ademáis, como unha importante seña de identidade e parte da cultura do noso territorio.
Coa idea de achegar, debater e intercambiar ideas e experiencias con veciños e comunidades de montes da nosa contorna, NORDÉS, nesta III edición de “Alternativas do rural” achega as experiencias da Comunidade de Baroña (Porto do Son) e da Comunidade de O Carballo (Friol) como exemplo de xestión a nivel social, económico e ambiental.
Dende NORDÉS creemos que poden ser unhas xornadas de gran interese polo que as actividades son abertas ao público, mais especialmente dirixidas ás comunidades de montes da bisbarra:
11.00-13.00h. Charla das comunidades convidadas sobre as súas iniciativas e experiencias e posterior debate. No Teleclube das Grañas do Sor (Mañón)
14.00-16:00h. Xantar en Casa Urbano, 15€/persoa (reserva no 653 756 454).
16:30h.-18:00h. Paseo polos montes das Grañas do Sor co fin de valorar posibilidades das comunidades, dúbidas, exemplos, etc.
Máis información no noso blog: https://asociacionnordes.wordpress.com/2019/03/25/alternativas-do-rural-o-potencial-da-xestion-comunal-dos-montes/
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
