Burela, 26 de marzo de 2019. O Concello convoca a sexta edición dos concursos de Debuxo e Pintura e Lemas 21 de marzo: Día Internacional para a Eliminación da Discriminación Racial.
A concelleira de Inmigración e Cooperación, Angélica Gómez, subliña que “os obxectivos destes concursos son transmitir, a través de mensaxes curtas ou debuxos, a importancia da educación en igualdade e a necesidade de eliminar a discriminación racial, así como a súa prevención. As bases para poder participar nestes concursos pódense obter na Casa do Concello ou na sede electrónica da páxina web do Concello de Burela”.
No Concurso de Debuxo e Pintura haberá tres categorías: de 6 a 12 anos, de 12 a 18 anos, e maiores de 18 anos. Os menores terán que estar autorizados polo pai, nai ou titor. A técnica do debuxo é libre e a medida DIN A4. Cada persoa só poderá presentar un traballo, e haberá dous premios en cada categoría, valorados en 50 euros para o primeiro e 30 euros para o segundo.
No Concurso de Lemas haberá unha soa categoría, e os menores terán que ter a autorización do pai, nai ou titor. Cada participante poderá enviar un máximo de 5 lemas e estes deberán constar de sete palabras como máximo en lingua galega ou castelán. Haberá un primeiro premio valorado en 60 euros.
Os traballos, en ambos certames, deberán ser inéditos e non ter sido presentados en anteriores concursos. Terán que presentarse, en sobre pechado, de forma presencial na Oficina de Atención a Inmigrantes do Concello de Burela ou a través de correo postal ao enderezo: Concello de Burela-Programa de Atención a Inmigrantes, R/Eijo Garay-20, 27880 Burela-Lugo. O prazo de presentación remata o 22 de abril e o fallo do xurado darase a coñecer o 26 de abril, mediante chamada telefónica ou correo electrónico.
Os premios entregaranse nun acto público que se celebrará o día 6 de maio. Os dereitos do autor/a gañadores manteranse, pero cederanse gratuitamente ao Concello de Burela os dereitos de uso, reprodución e difusión, citando en todo momento a autoría do mesmo. Os traballos participantes poderán ser obxecto de exposición en espazos de relevo cultural, artístico e educativo do Concello de Burela.
ÚLTIMA HORA
- O PSdeG denuncia que Abadín volve quedar sen brigada municipal contra incendios
- A Banda Municipal de Música de Ribadeo estará acompaña por gaitas no concerto do Día da Patria que ofrecerá o día 25 de xullo
- O Trofeo Concello de Vilalba 2026 enfrontará ao Deportivo e ao Lugo o 29 de xullo
- A Policía Local de Burela incorpora a primeira muller do corpo e reforza o cadro con tres axentes máis
- O inglés tamén forma parte do verán en Cervo Concilia
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua. - RegalXunqueira presenta “A beleza da diversidade”, unha exposición fotográfica de Alén Espiña Otero
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo. - Sargadelos incorpora Burelarte e amplía a súa capacidade produtiva
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita. - O Festival Aires do Masma celebra a súa XXV edición, cumprindo cuarto século de divulgación da cultura galega a través da música e do baile tradicional
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz. - Con outra Voz, o magazine de fin de semana de RadioVoz, que se emite sábados e domingos para toda Galicia, fíxose este 11 de xullo desde o Ribadeo Indiano
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo. - A pista ecuestre da Bidueira de Cervo foi escenario este sábado dunha magnífica xornada coa celebración da III Carreira de Andadura, que reuniu a numerosos participantes e afeccionados ao mundo ecuestre
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición. - A conselleira de Medio Rural en Ribadeo
María José Gómez, participou este sábado nos actos de celebración do XI Ribadeo Indiano.
2021 Crónica 3 A Mariña - Implementado por GaliciaDigital