Mondoñedo, 15 de marzo de 2019 .- A alcaldesa de Mondoñedo, a popular Elena Candia, deu conta hoxe da apertura ao tráfico da Rúa que comunica a Avenida San Lucas e a Alameda dos Remedios que conta cun mellorado e renovado aspecto.
As obras consistiron no acondicionamento da subida á Alameda, un dos accesos principais á mesma, cuxo espazo presentaba un pavimento en mal estado de conservación. A rúa de acceso non dispuña de ningún tipo de servizo, polo que se fixeron ademais obras de saneamento e abastecemento.
A rexedora precisa que as obras de mellora e acondicionamento no resto da Alameda seguen o seu curso, aínda que se viron afectadas polo trastorno que ocasionan os edificios que alí se atopan, como o Centro de Saúde, o hospital San Pablo, a residencia da terceira idade e centro de día e incluso un establecemento de turismo, a Casa Bracamonte. As obras están financiadas polo plan HURBE da Xunta e contan cun orzamento de 110.289,13 euros.
Desde o Goberno local piden a colaboración de veciños e visitantes para coidar a alameda e que non se estacione nas beirarrúas para non deterioralas.
O Goberno local pretende con esta actuación na alameda recuperar a pavimentación de parte dos accesos, recuperar os muros perimetrais existentes, realizar traballos de mantemento de arborado, con reposición de árbores de gran porte, melloras de eficiencia enerxética do alumeado e reposición de parte do mobiliario.
O Concello de Mondoñedo abre ao tráfico a Rúa que comunica a Avenida San Lucas e a Alameda dos Remedios
Relacionado
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
