Ribadeo, 26 de marzo, 2019. O Grupo Provincial do PP garante a renovación integral do estadio municipal Pepe Barrera de Ribadeo e agradece que a Xunta arranca este proxecto. Lamentan, sen embargo, que tanto o BNG como o PSOE se preocuparan soamente por buscar titulares, como fai sempre o alcalde nacionalista, que converte cada investimento na localidade nunha telenovela.
O PP foi o primeiro en presentar mocións para que se fixera esta actuación, xa no ano 2015, e tanto BNG como PSOE votaron en contra en varias ocasión. Novamente o escenario actual fai que rectifiquen, explican os populares.
Así, o deputado Carlos Armesto pediulle ao deputado do PSOE “un pouco de seriedade”. Explicou que “o PP o 31 de marzo en 2015 trouxo a este Pleno unha proposta para que se acondicione un campo que en Ribadeo hai moitos anos que está moi mal e un club que nos representaba en terceira división e igual agora está en preferente por ter que xogar nunha pataqueira”.
“Cando o PP trae esta proposta no ano 2015 votan que non, que non é unha prioridade para a provincia e agora veñen con isto. Sexa serio. Podo lerlle o que dicía o voceiro do PSOE naquel entón. Hai un alcalde que é o Conde de Romanones que cando a Xunta intenta que se arranxe unha situación caótica di que hai preferencias para Ribadeo e que non é unha preferencia, ata hai tres meses cando a Xunta convoca aos presidentes e brinda unha axuda de 46.000 euros e entón, agora, queren arranxar o mundo”, precisou o popular.
Armesto explicou que “é a Xunta quen toma a iniciativa e vostedes van a remolque. Hoxe grazas á abstención deste partido poden ter ese diñeiro para alí. Di que a Xunta, que se adianta e pon o diñeiro sen pedirllo, resulta que é unha esmola pero será máis esmola que o alcalde estea disposto a poñer 50.000 cando é o titular da instalación”.
“O alcalde di que non é prioritario, Veiga naquel momento era vicepresidente e levaba a área de deportes vota que non e hoxe volve facelo porque nos remanentes vota que non a Ribadeo. No ano 2015 votan en contra e agora dan discursos grandilocuentes”, lamentou o deputado.
A Xunta impulsou as obras
Os populares presentaron o emenda, que non foi aceptada, para que a Deputación achegara 187.375 euros. “Que poña o Concello outro tanto e a Xunta xa ten comprometido e uns presupostos aprobados para unha instalación que non é dela. Cando chegue o parón da liga en maio poderán comezarse as reformas e telas listas para cando empece a liga. A Xunta impulsou isto e se piden isto cando votaron que non no Concello e na Deputación é porque o PP e a Xunta deu un paso para que se hoxe están en preferente foi porque posiblemente nin Concello nin Deputación fixeron os seus deberes”.
Os populares propuxeron en concreto que a Deputación de Lugo e o Concello de Ribadeo acheguen cada unha das administracións 187.375 € do custo total do proxecto de renovación integral do estadio municipal ‘Pepe Barrera’, que ascende a 421.000 €, na anualidade 2019; e instar ao Concello de Ribadeo a formalizar, con urxencia, o convenio de colaboración coa Xunta de Galicia que permitirá, de xeito inmediato neste primeiro semestre do ano, unha achega de 46.250 €, con cargo á Secretaría Xeral para o Deporte da Xunta de Galicia, para colaborar na renovación integral do estado municipal ‘Pepe Barrera’.
“O PP trae unha proposta clara, seria e decidida e que en setembro pode estar o campo rematado. Se queren perderse nas formas e seguir liándoa vostede saberá a resposta que lle da á xente do deporte en Ribadeo”, defendeu o popular.
“Insiste en que 46.000 euros non é nada pero é o que se puxo para o estadio de Viveiro, para unha alcaldesa que o agradeceu e asinou ao momento. Por 46.000 euros mancho os zapatos e vostedes tamén porque foron inaugurar magostos e festas de 600 euros. Podía preocuparlles igual Ribadeo, falamos de 187.000 euros que demostra se lles interesa ou non, pero é un despropósito o do alcalde. Non quere o campo, vai unha moción e votan en contra, PSOE e BNG, e el di que ten outras preferencias e cando a Xunta promove un investimento alí e cando de repente pide e non é que vaia á Xunta, senón que pon unha reunión en Ribadeo con 48 horas de antelación para que lle arranxen o campo e que lle poñan o diñeiro e poñer 50.000 euros cando é un campo municipal”.
“Cando o PP pon enriba da mesa esa necesidade é cando se suman eles. O PP non vai estar nas iniciativas duns nin nas de outros, defendémolo en 2015 e agora. É o único concello que dubida asinar un convenio que outra administración xa quixera para ela”, concluíu.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
