Lugo, 12 de abril de 2019.- Os candidatos do PSOE ao Congreso e o Senado pola provincia de Lugo, Ana Prieto e César Mogo, destacaron este venres que “o próximo 28 de abril xogámonos un modelo de país que pense no futuro, apostando polas persoas e protexendo os seus dereitos, de avance e progreso ou un modelo extremista que ameaza con facernos retroceder 40 anos”.
Ana Prieto subliñou que “foi o Goberno socialista de Pedro Sánchez o que subiu o Salario Mínimo Interprofesional ata os 900 euros e que agora parece que o PP quere rebaixar. Fomos os socialistas os que subimos as pensións e as revalorizamos ao IPC, beneficiando a máis de 117.000 lucenses e é o PP agora o que propón recortalas. Tamén fomos nós os que ampliamos o servizo de paternidade ás 16 semanas, os que impulsamos un Plan de choque integral no que se investirán 2.000 millóns en 3 anos para reducir o paro xuvenil, os que aprobamos a obriga da orixe do etiquetado nos produtos lácteos ou os que apostamos por políticas ligadas á transición ecolóxica”.
“Fixemos en 10 meses o que desfixo o PP en 7 anos”
“Elaboramos e puxemos en marcha todo isto en 10 meses de traballo, cunha minoría parlamentaria. Fixemos o que desfixo o PP en 7 anos de parálise. Por iso, é moi importante o que suceda o 28 de abril. Nos xogamos continuar cun goberno progresista, feminista, ecoloxista e cunha visión europeísta pois a alternativa son as 3 dereitas que queren romper os consensos que construímos entre todos durante tantos anos”, salientou Prieto.
Vox marca a axenda política de PP e Cs
César Mogo destacou que “Pablo Casado dixo, por fin, unha verdade, quere rebaixar o Salario Mínimo Interprofesional a todos os españois. É moi preocupante que a radicalización política do PP en materia de dereitos, como propoñer o retraso da expulsión das mulleres inmigrantes que dean aos seus fillos en adopción ou comparar o aborto cos neandeartais, tamén trasládese ao ámbito económico. Vox está marcando a axenda das outras dous dereitas, PP e Cs, presentando un programa económico que ten como principal eixo acabar co financiamento fiscal do estado de benestar e limitar os dereitos aos traballadores. O Partido Popular segue correndo á desesperada tras Vox para ver quen é o máis retrógrado e iso que a súa última rebaixa fiscal, cando gobernaban no 2015, supuxo un custe de 12.000 millóns menos para todos os españois. Ante este panorama, o próximo 28 de abril, os lucenses teñen que apostar por un Goberno que defenderá os seus intereses sen esquecerse das súas necesidades ou un modelo ligado aos recortes permanentes e a perda progresiva de dereitos”.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
