Foz 11 -05- 2019.- O PSOE de Foz e o seu candidato á alcaldía, Fran Cajoto, comezan unha campaña cara a cara coa veciñanza onde, parroquia a parroquia, barrio a barrio e porta a porta, explicarán as medidas contempladas no programa electoral socialista.
“De aquí ao próximo 26 de maio esperamos poder achegar a todos e cada un dos veciños e veciñas de Foz o programa socialista, no que, por un lado, temos proxectos a mais longo prazo, como a xa anunciada, nova avenida Foz centro e, por outro, unha serie de medidas recollidas durante os últimos tempos nunha campaña de escoita activa entre tecido asociativo veciñal e cultural de Foz e a veciñanza”- comenta o candidato socialista Fran Cajoto- “medidas concretas e de sentido común, como retomar o sentido do tráfico nas rúas reformadas e habilitar pasos de peóns nelas ou, ordenar mobiliario urbano”
“Son propostas concretas, realistas, realizables, sensatas que buscan dar resposta aos retos do Foz de hoxe e aos retos de mañá. Nunha vila na que os problemas se acumulan e a xestión brilla pola súa ausencia requírese, un compromiso e vontade de facer e de axudar, e mais racionalización na inversión e gasto público” – di o alcaldable socialista
“Queremos facer de Foz unha cidade moderna e dinámica, sustentable, humanizando o medio urbano de forma progresiva potenciando o concepto de barrio e, á vez, protexer e coidar e a nosa contorna natural e as parroquias”- explica “Un Foz igualitario en servizos independentemente de onde se viva e, non como na actualidade, onde nos atopamos cunhas parroquias completamente esquecidas polo actual goberno, lugares onde teñen problemas para algo tan básico como o sinal de televisión, telefonía ou internet, co alumeado público e cos camiños e pistas abandonados, sen rozar e cheos de fochancas” – critica Cajoto
“Problemas básicos aos que, no caso de que os focenses nos outorguen a súa confianza, comprometémonos a dar resposta nos primeiros tempos do mandato a través dun plan urxente de limpeza e mantemento de vías e camiños e non solo rozando cando sexa a festa da parroquia ou asfaltando ás portas das eleccións como nos ten acostumados o PP no goberno, ao que vemos moi laborioso nestes días, rozando, repintando pasos de peóns etc., para logo seguir con planes periódicos de arranxo de pistas, camiños e cunetas, de limpeza e mantemento de zonas verdes, de limpeza de praias fóra do período estival, de recuperación de puntos de luz eliminados e mellora dos existentes” – compromete Fran Cajoto.
“Isto é solo unha pequena mostra das necesidades básicas que teñen os residentes do rural de Foz tan esquecidos nos últimos oito anos de goberno do partido popular en Foz á que queremos dar solución dende o Partido Socialista. Atopámonos nun momento crucial, o de recuperar o goberno municipal para acabar co desgoberno do Partido Popular. Os veciños poden estar seguros de que connosco van contar, van participar e van decidir como será o futuro que queren para Foz e as súas parroquias nos próximos anos. Estamos vendo que a resposta e a predisposición dos veciños cos que levamos falado é inmellorable”- remata Cajoto.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
