Lugo, 24 de xuño de 2019. A Consellería do Medio Rural vén de rematar as soltas de individuos do parasito Torymus sinensis en todos os concellos da provincia de Lugo para loitar contra a avespiña do castiñeiro.
O delegado territorial da Xunta en Lugo, José Manuel Balseiro, explicou que se soltaron en total máis de 557.000 individuos, con especial intensidade na comarca de Quiroga, zona que conta cunha importante produción de castañas.
No conxunto de Galicia, a consellería soltou 1,6 millóns de parasitos que supuxeron un investimento de 2,1 millóns de euros. Trátase do dobre de individuos que o ano anterior, ao conseguir autorización por parte do Goberno central, como ente responsable de autorizar estas soltas experimentais.
Balseiro destacou as accións que se están levando a cabo para frear a expansión deste insecto, pois ademais desta loita biolóxica tamén se están estudando a aplicación de medidas silvícolas e actuacións relacionadas coa mellora xenética no Centro de Investigación Forestal de Lourizán (Pontevedra).
Igualmente, a Consellería do Medio Rural realiza tratamentos gratuítos en castiñeiros particulares, previa solicitude, para combater a enfermidade do cancro mediante a inoculación de cepas hipovirulentas en castiñeiros afectados. Así, no primeiro semestre deste ano tratáronse 4.462 exemplares na provincia, coa previsión de continuar no outono.
A Consellería do Medio rural dedica este ano para sanidade forestal un orzamento de 4,85 millóns de euros para protexer a riqueza dos montes de Galicia e contribuír así ao mantemento dos aproveitamentos forestais dun xeito sustentable, como fórmula para a xeración de riqueza no medio rural galego. Estes fondos dedícanse fundamentalmente para loitar contra as diferentes enfermidades forestais como a propia avespiña ou o cancro do castiñeiro e o gorgullo do eucalipto, entre outras.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
