Burela, 11 de xuño de 2019. O BNG adiantou que non foron convocados polo PSOE a ningún encontro formal polo momento. O portavoz en funcións do BNG Mario Pillado sinalou que “o Sr. Llano está a dar mostras do seu particular estilo de tratar asuntos fundamentais para Burela, coa súa característica falta de rigor e seriedade, como xa demostrou nos últimos catro anos”. “A cinco días para a investidura, o Sr. Llano aínda non se dignou a sentarse a falar formalmente co BNG para expór as liñas do seu programa de goberno, e nese sentido dubidamos se realmente terá un programa para Burela”, indicou Pillado.
O pasado 26 de maio, o BNG incrementou os seus apoios, pasando de 2 a 3 concelleiros, en detrimento do PSOE que perdía un concelleiro e a maioría absoluta. “O Sr. Llano está no seu dereito de reunirse con quen quixer, pero non pode obviar esta realidade e ten que saber que para poder chegar a acordos primeiro hai que facer é sentarse a falar. Se o PSOE pretende chegar a un acordo de goberno ou ben a acordos puntuais, teremos que saber como vai ser a configuración do futuro goberno e cales van ser as principais medidas dese goberno.
O BNG asinou un pacto coa veciñanza de Burela o pasaso 26 de maio e nese sentido vai actuar con responsabilidade, poñendo o foco nos principais problemas e necesidades que presenta o noso Concello e dando voz ás demandas dos veciños e veciñas. “Imos pór o interese xeral da veciñanza por riba do interese partidario e por riba do reparto de sillóns no futuro goberno municipal” rematou Pillado
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
