Burela, 27 de xullo de 2019. O alcalde de Burela, Alfredo Llano, anunciou que o Concello quere adecentar as rotondas de acceso á localidade “vindo desde Foz”. O rexedor destacou a labor realizada polos alumnos do obradoiro de xardinería, que rematou estes días, en zonas como o Campón ou na contorna de Capitanía Marítima.
Alfredo Llano subliñou que “un dos obxectivos que ten o Concello de Burela é tratar de ofrecer o máximo posible en temas educativos e de formación, polo tanto estamos moi interesados en ofrecer un obradoiro todos os anos. Eses obradoiros se diversifican en temas moi importantes para o Concello como poden ser a xardinería, a pintura ou de calquera outro tema que despois poida ter unha empregabilidade case asegurada para os alumnos e alumnas que acudan. Acabamos de rematar un obradoiro de xardinería que fixemos conxuntamente cos Concellos de Cervo e de Xove, e para este ano xa temos convocado outro obradoiro de pintura”.
O rexedor explicou que “no obradoiro de xardinería fixeron unha labor extraordinaria tanto os alumnos como os profesores e os encargados, que realmente chama a atención. Levamos xa dous anos facendo obradoiros de xardinería no Concello, déronlle un cambio e aportaron moitísimo á estética en todo o concello. Hai unha cousa que se fixo novidosa que é o xardín que se preparou na zona do Campón. Estaba completamente a herba e agora si que ten todo o aspecto de ser un parque onde vai moita xente sacar fotos alí, incluso fotos de vodas. Realmente chama a atención as composicións e as flores que ten. Hai outras zonas que tamén quedaron cambiadas como na contorna da Capitanía Marítima, onde se aprecia esta labor extraordinaria que fixeron neste obradoiro”.
Llano adiantou a intención do Concello de mellorar as rotondas de acceso á localidade: “ademais nos van pasar unha serie de deseños para adecentar as rotondas, sobre todo vindo de Foz, a que hai ao chegar a Burela, pertence a Portos de Galicia, pero xa o temos falado e imos chegar a un acordo con eles para preparar esas rotondas, e que sexan un atractivo máis para o noso concello”.
O Concello quere adecentar as rotondas de acceso á localidade “vindo desde Foz”, segundo anuncia o Alcalde, Alfredo Llano
Relacionado
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
