Ribadeo, 6 de agosto de 2019. A Banda Sinfónica de Galicia actuará no auditorio municipal de Ribadeo o vindeiro venres, 9 de agosto, ás 20:30 horas. Música e valores é o título da xira deste 2019.
A agrupación está formada por 46 compoñentes, con idades comprendidas entre os 14 e os 22 anos, procedentes de diferentes bandas, escolas e conservatorios das catro provincias galegas. Os seus directores son: Carlos Diéguez, David Llano e Quique Lagares.
No programa de concerto desta xira destaca a interpretación e edición de obras de compositores galegos menores de 23 anos, como é o caso de Carme Rodríguez, de Ribadeo, e de Manuel Vázquez, de Cea; a participación como solistas dos galardoados no concurso Proxectando sons (Jaime Estévez co saxo alto e Iván Carballal co bombardino); ou tres pezas que teñen unha conexión especial cos auditorios onde tocarán estes días: Ribadeo, Sober e Ortigueira.
A ribadense Carme Rodríguez explica sobre a súa obra incluída no concerto da Banda Sinfónica de Galicia: “a obra, titulada A cova sumerxida. Xuízo a unha serea conta unha revisión do mito da Maruxaina, e tivo no ano 2017 o recoñecemento de ser Obra Finalista no X Concurso Galego de Composición para Banda de Música. A serea Maruxaina mora na cova de Xan Vello, sumerxida nos Farallóns da costa de San Cibrao, pero cando o temporal axexa, sobe ao alto do illote da Sombriza e dende alí canta e toca a corna. Os mariñeiros, engaiolados pola súa voz, achéganse demasiado ás rochas e sofren terribles naufraxios, ata que deciden saír ao mar para buscar á ninfa, levala apresada a terra e xulgala polos seus crimes. É entón cando a Maruxaina ten oportunidade de contar a verdade: ela só quere impedir os afogamentos e canta para advertir aos mariñeiros do temporal e mantelos lonxe dos Farallóns. Despois do xuízo, e vendo o pobo a verdade no relato da serea, devólvena ao mar, e dende entón a Maruxaina, fiel ao seu cometido, deixa soar un fermoso canto de cornas, evitando as desgrazas duns mariñeiros que agora, agradecidos, celebran a vida na súa honra”.
Rodríguez engade que “esta historia está estruturada en catro movementos: I. Nos farallóns, II. O naufraxio, III. O rapto da Maruxina e IV. Cornas na quietude; e amosa o estilo cinematográfico dos poemas sinfónicos, con momentos intimistas nos que os solos dos ventos teñen protagonismo e explotan as capacidades do instrumento, e outros momentos de acción con grandes densidades instrumentais. Utilízanse varios leitmotivs, símbolos das personaxes, localizacións ou emocións do relato, sendo o motivo melódico do canto de cornas da Maruxaina o que vertebra toda a obra”.
A xira 2019 da Banda Sinfónica de Galicia conta co apoio da Xunta de Galicia, a través da Dirección Xeral de Políticas Culturais, dos Concellos de Ortigueira, Ribadeo e Sober, Xacobeo 2021, así como das escolas e bandas de ditas vilas e das empresas Editorial dos Acordes e Piccolo Music Store.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
