A democracia representativa basea o seu funcionamento no principio de funcionarios electos que suplen a unha pluralidade de persoas. Case todos os sistemas occidentais modernos son desta natureza: España é unha monarquía constitucional, Irlanda é unha república parlamentaria ou EEUU unha república federal.
Pois ben, eu avogo pola impugnación integral da democracia representativa. Temos que facer política.
Dito así pode semellar unha boutade mais non é.
¿Quere dicir isto que temos que prescindir de calquera tipo de figura representación? O faro da autoxestión e a democracia directa admite matices pero o seu halo é luz que marca o camiño.
¿Como facer política sen políticos? Pois facendo sociedade, organizando a mesma dende abaixo até arriba, asumindo a idade adulta e as responsabilidades inherentes. Todo o demais, incluso a política delegada, é pura trampullada.
Ao concreto: nestes días estamos asistimos ao expedimento de receitas polos partidos para garantir a continuidade da factoría de Alcoa na Mariña así coma ao habitual cruce de recriminacións.
Pois ben, Simone Weil escribía durante a Segunda Guerra Mundial a propósito dos males a súa sociedade e a súa solución; segundo Weil a obriga de tomar posición a favor ou en contra remataba por substituír á obriga de pensar, e a concreción obvia de dita circunstancia eran os partidos políticos cuxa finalidade era o seu propio crecemento, e iso sen límite.
A translación ao modelo español é un mercado da enerxía “cartelizado”, ineficiente e antieconómico pola gracia dos partidos políticos e unha taxa de afiliación sindical do 13,9 % perante países da nosa contorna como Suecia no que se sitúa en cifras superiores ao 60 %. Hai que construír sociedade, hai que facer política.
Outro exemplo claro é o do modelo educativo; tras anos de iluminados e burócratas intentando ensinar o camiño e prescribindo receitas, facendo uso político-partidista da educación dos nosos mozos, vimos de saber que un rapaz burelao de 25 anos que imparte clases de educación física en As Pontes deseñou un novidoso plan para motivar a un alumno con autismo.
Un xogo de Google chamado Dragon City, unha grande dose de enxeño, o deporte como escola de valores e a experiencia dun modelo de atención á diversidade que leva tempo practicándose na vila lucense, trouxo consigo un resultado extraordinario cunha mellora incrible na calidade de vida do neno autista.
Agora só falta que a comunidade educativa tome nota, que poña en valor o suceso e que exporte o modelo.
Xa saben, nas aulas e nas fábricas hai que educar, hai que construír sociedade, cómpre facer política.
Con Pólvora e Magnolias. “Temos que facer política”, por Pablo Álvarez Ramos
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.