Ribadeo, 9 de agosto de 2019. Os días 17 e 18 de agosto preto de 30 establecementos asociados a ACISA Ribadeo sacarán á rúa os seus produtos nunha nova edición do Mercado de Rúa, que organiza a Asociación de Comerciantes, Industriais, Servizos e Autónomos en colaboración coa Xunta de Galicia e co Concello de Ribadeo.
O Mercado de Rúa xa está preparado en Ribadeo. Un ano máis ACISA programa esta actividade de dinamización comercial co obxectivo de facer mais accesibles os produtos aos clientes.
Dende a xerencia da asociación, Jesús Pérez, explica que “dende ACISA cremos que esta cita é moi interesante para os nosos asociados e tamén para os seus clientes. Con ela pretendemos facer un comercio mais preto de ti, facendo que na propia rúa poidas ver os produtos sen necesidade de entrar nas tendas”.
E engade: “este ano ven con novidades, xa que adiantamos as datas de celebración para que coincidira coa fin de semana na que probablemente se congrega mais xente na nosa vila, así @s veciñ@s e visitantes poden aproveitar os últimos días de rebaixas e quizais algún avance de tempada”.
Pola súa banda, Juan Andina, vicepresidente de Acisa, indica que “para os comercios é moi positivo realizar esta campaña nestas datas, así podemos competir en igualdade de condicións cos vendedores ambulantes e co Mercado Pirata na mellor época para nos, sen prexudicar a ninguén, por suposto; pero buscando a formula de traballar en igualdade de condicións”.
Jesús Pérez conta que “nesta edición son preto de trinta establecementos os que participan. Non todos poden estar polo tipo de produto que venden ou por falta de espazo na rúa, pero é unha campaña na que os que participan sempre nos fan chegar moi bos resultados. Este ano poderase encontrar roupa de home e de muller, calzado, xoguetes, roupa infantil, librarías, xoierías… por suposto todos produtos de máxima calidade e das mellores marcas, non comparables co que se pode encontrar nos postos ambulantes. Hai que ter en conta as demandas dos nosos socios ao respecto, e deste xeito respondemos a unha petición que ven dende fai moitos anos, de que polo menos aínda que so sexa dous días ao ano os nosos asociados e asociadas poidan competir en igualdade de condicións cos diferentes mercados que se celebran en Ribadeo”.
Os establecementos participantes nesta campaña, nos que ademais poderás encontrar grandes ofertas son: Xoeiría Azabache, Nina, Platería Gutié, Opticalia, Bis a Bis, Bora Bora, Lencería Julia, Pequerrechos, Glass, Farfala, Mika, Marcelota, Anais, La Moda Hombre, R23, Adele, Sanjurjo, Esprit, Nana, La Floristería, La Coqueta, Hola Ola, Din & Don, Coco, Jatay, Saia e Mercería Vizcaya.
O Mercado de Rúa foi presentado hoxe Juan Andina e Jesús Pérez.
Ampliación horaria hostalería
O xerente de Acisa subliña que “nesta ocasión ademais incluímos nesta campaña a ampliación horaria que ten a hostalaría asociada nesta ponte de catro días, na que solo os nosos asociados poden abrir unha hora mais sobre licenza as madrugadas do 14 o 15, do 15 o 16, do 16 o 17, e do 17 o 18 de agosto, para que veciños e visitantes gocen do ocio nocturno, e recordámoslles ademais que non hai mellor lugar para comer, cear ou divertirse que na nosa vila, en Ribadeo”.
Corte de luz, onte
Acisa “esixe que se investigue por parte das empresas correspondentes o ocorrido na tarde noite de onte co corte de luz que deixou sen subministro durante preto de dúas horas a parte da rúa San Francisco, avenida de Asturias e José Vicente Pérez Martínez. Alguén ten que facerse cargo das perdas ocasionadas na hostalería. É vergonzoso quedar sen luz en pleno mes de agosto co que iso supón para os hostaleiros nun día coma o de onte, xornada na que todos estaban cheos”, manifesta Jesús Pérez, o xerente da asociación.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
