Lugo, 19 de novembro de 2019. A Consellería de Economía, Emprego e Industria destinou este ano 2,5 millóns de euros aos traballadores autónomos de Lugo para impulsar ou consolidar 825 postos de traballo.
O delegado territorial da Xunta en Lugo, José Manuel Balseiro, realizou un balance dos programas de emprego especificamente dirixidos a este colectivo, e subliñou que practicamente o 59% das axudas foron destinadas a incentivar nos últimos meses 384 novas altas de traballadores, no réxime especial de autónomos ou en calquera outro réxime especial por conta propia. Suman un importe global concedido de 1.498.000 euros.
O 38% das achegas foron para accións de mellora da competitividade por parte de 421 autónomos que xa estaban en activo. As axudas para o chamado “Bono autónomo” suman 961.400 euros na provincia, e están destinadas a accións de mellora da empresa, como a elaboración de plans estratéxicos de negocio, de comunicación e de márketing, reforma de instalacións, compra de maquinaria e equipamento en xeral, entre outros.
Por último, algo máis dun 3% dos apoios foron para 18 autónomos lucenses por realizar contratacións indefinidas na súa empresa. Asinaron en total 20 contratos e as achegas globais ascenden a 85.800 euros.
Balseiro sinalou que a axuda mínima contemplada nestas convocatorias é de 2.000 euros e a máxima de 15.750 euros. Existen incentivos que incrementan as contías base de cada programa, como que os beneficiarios sexan mulleres, persoas desempregadas de longa duración, con discapacidade, en risco de exclusión social ou emigrantes retornados, entre outros colectivos.
Datos por comarcas
Polo que respecta á distribución por comarcas, máis da terceira parte das achegas (o 35,5%) concéntrase na comarca de Lugo, con 901.400 euros para 320 traballadores. En concreto, o concello da capital suma 279 axudas e 777.500 euros.
A Mariña asume o 18,5%, con 145 traballadores beneficiados e 468.400 euros. As comarcas do sur de Lugo (Quiroga, Terra de Lemos e Chantada) suman o 14,4%, con 95 traballadores e 366.200 euros en apoios. A Terra Chá rexistra o 13%, con 328.600 euros para 110 traballadores. Sarria recibe o 11,1%: 282.500 euros para 91 traballadores; e o 7,5% restante, 197.800 euros, son para 64 traballadores distribuídos noutros concellos da provincia.
Balseiro explicou que estes programas de axudas “chegan practicamente a todos os concellos, e resulta especialmente valioso que se prime a ubicación no rural. Queremos impulsar o emprendemento, especialmente no rural, e tamén axudar a consolidar os proxectos das persoas autónomas xa establecidas”.
Ao respecto, lembrou que o tecido empresarial da nosa provincia está composto, na súa maioría, “por microempresas e, principalmente, por persoas traballadoras autónomas, que son as principais protagonistas na creación de emprego”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
