Foz, 19 de novembro de 2019. O Concello de Foz mellora o abastecemento de auga a Mañente, barrio da parroquia de Vilaronte, cun investimento de 29.976 euros. As obras comezarán este xoves, día 21, anunciou hoxe o alcalde focense, Fran Cajoto.
O rexedor municipal explica que “a nova condución do abastecemento de auga de Mañente (Vilaronte) é unha obra moi urxente polo estado no que se encontra a tubaxe. Ademais de roturas continuas, a condución actual de fibrocemento ten varias purgas para reducir a presión; isto implica que esteamos a perder auga depurada, que pagamos todos os focegos e que contravén as medidas de aforro e de protección medioambiental que debemos sempre poñer en valor. É por iso que se vai dispor dunha nova condución de PVC de 125 milímetros, de 10 atmosferas de presión, cunha lonxitude total de 1.700 metros e con todas as válvulas e elementos necesarios. A nova condución discorrerá polo trazado da actual, paralela á estrada da Deputación LU-P-2004, e beneficiará a veciños de Mañente e do resto de Vilaronte”.
Fran Cajoto engade que “o novo equipo de goberno decidiu priorizar esta actuación, solicitada hai varios anos pola concesionaria, e acometer as obras o antes posible. Prevese que comecen este xoves, 21 de novembro, polo que o Concello de Foz pide desculpas polas molestias que se lle poidan causar aos veciños durante o transcurso das mesmas”.
O Concello de Foz mellora o abastecemento de auga a Mañente cun investimento de 29.976 euros. As obras comezarán este xoves, día 21
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
