Ribadeo, 19 de novembro, 2019. A ANPA A Faxarda comezou este luns a semana de formación en materia afectivo-sexual para todos os cursos de infantil e primaria da man de dous actividades: Abeirar e Coñécete e que pretenden complementar a formación curricular do alumnado.
Abeirar son os obradoiros que imparten a psicóloga se sexóloga Martina González e a educadora social e sexóloga Sabela Maceira. Consistirán en accións para nenos e nenas de 4º, 5º e 6º de infantil e 1º, 2º e 3º de primaria. Pola súa banda Coñécete estará desenvolvido por Raquel Graña, psicóloga e sexóloga e terá como público ao alumnado de 4º, 5º e 6º de primaria.
Estes obradoiros complementaranse con sesións informativas para nais, pais e profesorado para que aborden dúbidas, medos e calquera cuestión sobre a temática e como afrontar estes asuntos de cara a futuro. O primeiro destes encontros foi o pasado xoves 14 e os próximos serán os venres 22 e 29 de novembro.
A educación afectivo sexual nestas idades está centrada para comprender mellor os corpos, entendendo que son entidades que conteñen diferencias sexuais (xenitais, hormonas…), e como eses corpos con tempos e emocións cambiantes, poden influír coas persoas que constitúen o contorno.
Estas xornadas únense as que se fixeron entre os días 13 e 15 de novembro para nenas e nenos de 6º de primaria en materia de igualdade, empoderamento feminino e novas masculinidades.
Comeza a semana da formación afectivo-sexual no colexio Gregorio Sanz
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
