Foz, 28 de novembro de 2019.- O delegado territorial da Xunta de Galicia, José Manuel Balseiro, trasladou á propietaria do inmoble de San Martiño (Foz) afectado por un incendio as liñas de apoio que a administración autonómica ten previstas ante sinistros desta natureza.
En particular, o delegado puxo a disposición da afectada os servizos de apoio da administración autonómica tanto para solucionar a necesidade inminente de vivenda como para, no seu caso, valorar a reconstrución do inmoble danado polo lume.
No primeiro dos casos, Balseiro comunicou que existen dúas posibles alternativas: En primeiro lugar, optar polo bono alugueiro social. Neste caso, a propietaria podería alugar calquera vivenda da súa elección e recibir unha axuda da Xunta de 200 euros ao mes durante 3 anos.
Ademais, poderáselle conceder unha axuda complementaria, para os efectos de atender as obrigas derivadas da constitución de fianza e da alta en subministracións, ou para gastos de mudanza, nese caso por un importe adicional e único de 600 euros.
Como segunda proposta o Instituto Galego de Vivenda e Solo ofrécelles unha vivenda de promoción pública, a través do sistema de adxudicación directa. Neste caso hai inmobles vacantes dispoñibles en Cervo, Barreiros e Lourenzá.
Finalmente a Xunta tamén trasladou que existen axudas dirixidas á rehabilitación da vivenda sinistrada, a través de dúas vías: as subvencións dos programas de rehabilitación de vivendas e, no seu caso, o programa de préstamos cualificados, cos que afrontar o custe das obras necesarias para recuperar o inmoble incendiado.
O delegado lembrou que a Consellería de Medio Ambiente, Territorio e Vivenda habilita recursos “para atender con dilixencia casos de emerxencia como o que sufriu esta veciña de Foz, a quen lle corresponde valorar se precisa facer uso dos mesmos”
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
