Cervo, 12 de setembro, 2025. O Concello de Cervo celebrou este xoves, na Casa da Cultura de San Cibrao, a primeira das charlas de formación en corresponsabilidade, en colaboración con UniSer Coaching.
A sesión levou por título “Corresponsabilidade na comunicación afectiva funcional”.
Este ciclo enmárcase dentro do Plan Corresponsables en Cervo 2025, financiado pola Unión Europea e pola Xunta de Galicia, que promove, neste caso accións de sensibilización e formación en materia de corresponsabilidade e coidados, facendo especial fincapé na participación activa dos homes e das familias.
Desde o Concello de Cervo destacan que este tipo de iniciativas son fundamentais para avanzar cara unha sociedade máis igualitaria, xa que ofrecen ferramentas prácticas para mellorar a comunicación nas relacións persoais, fomentar unha educación en valores de respecto e empatía, e impulsar a corresponsabilidade tanto no fogar como nos centros educativos.
Ademais, contribúen a previr situacións de desigualdade, conflito e violencia, promovendo unha convivencia baseada na cooperación e na corresponsabilidade compartida.
A alcaldesa de Cervo, Dolores García Caramés, subliñou que “apostamos firmemente pola corresponsabilidade como un valor fundamental para o benestar das familias e da sociedade en xeral. Con este ciclo de charlas queremos abrir espazos de reflexión e aprendizaxe que axuden a compartir responsabilidades e a educar en igualdade desde as idades máis temperás”.
As próximas citas serán as seguintes, sempre ás 18:00 horas:
Xoves 18 de setembro – Corresponsabilidade na educación sobre o acoso escolar
Martes 23 de setembro – Corresponsabilidade na educación sobre a motivación e disciplina
Xoves 25 de setembro (online) – Corresponsabilidade na educación sobre o uso das tecnoloxías
O Concello de Cervo anima a toda a veciñanza a participar neste espazo de encontro, aprendizaxe e reflexión colectiva, que busca non só formar, senón tamén xerar conciencia sobre a necesidade de compartir responsabilidades e coidados para construír unha sociedade máis xusta e corresponsable.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
