Viveiro, 11 de setembro de 2025. O Grupo Municipal Socialista de Viveiro presentou esta mañá, xunto con BNG, unha solcitude para a convocatoria dun Pleno extraordianrio no que a Alcaldesa dea explicacións sobre o vertido masivo de purín acontecido o pasado 6 de xuño dende Muras, e que afectou ao río Landro e obrigou a restrinxir o consumo de auga a traída en Viveiro.
Aquel episodio provocou graves consecuencias ambientais e para a veciñanza, que durante varios días non puido empregar a auga da traída para beber, cociñar nin para a hixiene bucal, sendo necesario abastecerse mediante camións cisterna.
Dende o Partido Socialista “queremos deixar claro que non cuestionamos a actuación dos servizos técnicos nin das administracións implicadas, ás que agradecemos expresamente. Grazas a eles evitouse unha catástrofe”.
“O que solicitamos é transparencia e información oficial, posto o que ata o momento a Alcaldesa non convocou ningunha xunta de voceiros, nin comparecencia formal, e tanto a Corporación como os veciños/as tiveron que coñecer os feitos únicamente a través dos medios de comunicación”.
“Resulta incomprensible que, transcorridos xa máis de tres meses, a Alcaldesa de Viveiro non convocara ningunha xunta de voceiros para dar explicacións nin ofrecer información oficial sobre o acontecido. Nin sequera se molestou en informar aos representantes municipais. Isto é unha mostra máis da opacidade e falta de transparencia coa que está a gobernar”, sinala a voceira do partido socialista María Loureiro.
“Os nosos veciños e veciñas merecen saber que pasou, cale foron as consecuencias reais e que medidas se van a adoptar para evitar que algo así non volva a ocorrer. A alcaldesa ten a obrigación de explicar e non pode seguir agochada detráis do silencio, e incluso cabrearse cando se lle preguntou no pleno de agosto, logo de presentarlle dous escritos solicitando unha xunta de voceiros e fixo caso omiso”.
Por iso, xunto con BNG, “solicitamos un Pleno Extraordinario, para que sexa no máximo órgano de representación municipal onde se dean explicacións públicas”.
“Porque Viviero pecisa un goberno que dea a cara e asuma a responsabilidade, e non un goberno que se limite a pasar páxina como se nada acontecese”, conclúe María Loureiro.
O BNG esixe transparencia polo vertido
“Gobernar sen informar, é gobernar de costas á veciñanza”, declara Iria Cotelo, quen denuncia que “a Alcaldía continúa a ocultar información tanto neste tema como noutros, negándose a convocar xuntas de voceiros ou a ofrecer explicacións públicas, convertendo o silencio institucional en norma”
O BNG pide ao goberno local sentido común, responsabilidade política e respecto á veciñanza. Subliña que este é un novo exemplo da falta de transparencia do goberno local, xa habitual na súa maneira de proceder, e alerta de que o dereito dos/as concelleiros/as a estar informados está a ser sistematicamente vulnerado.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
